Xiaomi Ne Announce Ki Mi Band 3i Ki India Launch Date, Saath Hi Hoga ‘RunWithMi’ Event, Jiska aap Bhi Ban Sakte Hain Hissa

Almost two months pehle hi Xiaomi ne India mein Mi Band 4 launch kiya tha aur aaj company apna latest fitness tracker tease kar rahi hai. Xiaomi ne Twitter par naye Mi Smart Band ka teaser show kiya hai, jise aap neeche dekh sakte hain.

Saath hi ye bhi confirm ho chuka hai ki aur kuch nahin, balki Mi Band 3i hai, jo ki India mein November 21 ko launch hone waala hai. Expect kiya jaa raha hai ki ye ek budget smart band hoga.

Isi ke saath company ek RunWithMi running event bhi organize kar rahi hai, jo ki December 1st ko hone waala hai. Is event mein running ko finish karne waale participants ko Mi Band 3i diya jayega.

Filhaal India mein Xiaomi Mi Band 3 ka price 1,799 INR hai aur wahin Mi Band 4 ko 2,299 INR price tag ke saath sale kiya jaa raha hai. Bataaya jaa raha hai ki Novemeber 21, 2019 ko launch hone waale Mi Band 3i ki kimat, Mi Band 3 se bhi kam ho sakti hai.

Well, isse jyada details to humein launch ke samay, Thursday ko hi pata chal payengi. Lekin agar aap bhi is Mi Smart Band ko kharidna chahte hain, to RunWithMi event mein participate kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: