Xiaomi ne Announce Ki 64MP Camera Technology, Q4 Mein India Mein Launch Hoga Xiaomi ka 64MP Camera Phone

Xiaomi ne aaj China mein ek event ke dauraan 64MP camera technology ko reveal kiya. Saath hi company ne ye bhi confirm kar diya hai, ki is technology ke saath aane waala smartphone India mein Q4 2019 mein launch kiya jayega.

Is technology ke baare mein Xiaomi ne Twitter par bataaya hai ki is 64MP camera mein 48MP camera sensor ke mukaable 38% more pixels hain. Saath hi 64MP camera sensor se li gayi images jyada brighter, detailed aur accurate hongi.

 

Xiaomi ne is 64MP camera technology mein Samsung ka hi ISOCELL Bright GW1 image sensor use kiya hai, jo ki kaafi achhi detailing aur better lowlight photography offer karta hai.Saath hi ye Samsung sensor 100 decibles tak real time HDR bhi use karta hai. Is sensor ke saath li gayi photo ka resolution 9248×6936 pixels hai aur iska size 19MB hoga.

Company ne ye to bata diya ki is technology ke saath aane waala phone India mein quarter 4 mein launch hoga, lekin iska naam kya hoga, ye bhi company ne announce nahin kiya hai

 

Halaanki abhi saamne aayi kuch reports ke according, company Redmi Note 8 ko 64MP camera ke saath launch karegi. Saath hi kuch samay pehle company ne ye bhi confirm kiya tha ki India mein jaldi hi haal hi mein launch huye MediaTek Helio G90T chipset ke saath Redmi phone launch kiya jayega. Maana jaa raha hai ki Redmi Note 8 mein 64MP camera ke saath MediaTek Helio G90T processor bhi hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: