Xiaomi ne, 10th January Ke Liye Schedule Kiya Launch Event; New Redmi Phone Hoga Launch

Jis smartphone ka wait sabhi Xiaomi fans besabri se kar rahe the, lagta hai,  wo launch hone hi wala hai. Xiaomi ne ek naye launch event ke liye 10th January, 2019 ki date announce ki hai. Is launch event ke liye invites bhi bheje jaa chuke hain aur ye China mein Jan 10 ko dopahar 2.00 baje hoga.

Is upcoming Redmi smartphone launch ke invite mein aap dekh sakte hain ki Redmi likha gaya hai aur iski shadow (parchaayi) mein aapko 4800 likha dikhayi dega, jo 48 MP rear camera ki taraf ishara karta hai. Saath hi aisa isiliye bhi maana jaa raha hai ki December 2018 mein Xiaomi President Lin Bin ke khud 48 MP camera ke smartphone ki ek teaser picture share kit hi aur bataaya tha ki January 2019 mein ek smartphone aayega, jo ki 48 MP camera ke saath launch hoga.

Also Read: 2019 Mein Xiaomi Ki Taraf Se Aane Waale Hain Ye 5 Smartphones

Iske alawa maana jaa raha hai ki is smartphone ka naam Redmi Pro 2 hoga, jismein aapko Octa Core Snapdragon 675 processor mil sakta hai. Aisa isiliye kaha jaa raha hai, kyunki Xiaomi already confirm kar chuka hai, ki is year mein company Snapdragon 675 chipset ke saath mid-range phone announce karegi.

 

Saath hi upar diye gaye Xiaomi Redmi Pro 2 ke doosre teaser mein aapko 3x zoom ka hint nazar aayega. Well, iske alawa is upcoming phone ke baare mein jyada kuch pata nahin chala hai aur poori details jaanne ke liye humein launch tak ka intezaar karna padega.

Also Read: Xiaomi Ne India Mein Kam Kiye Mi TVs Ke Prices, Price Cut Ka Reason Bhi Reveal Kiya

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: