Xiaomi Mi TV 4A Horizon Edition India mein launch hua

Xiaomi ne aaj India mein Mi TV 4A Horizon Edition ko launch kiya. Is smart television ke launch ki khabar company pehle hi de chuki hai. Is smart TV mein 93.7% screen to body ratio aur minimum bezels ke saath Horizon display hai.

Mi TV 4A Horizon Edition mein 40 inch ki full HD display hai jo Vivid Picture Engine feature ke saath aayega. Ye 178 degree viewing angles ke saath aayegi aur ye Quad Core Amlogic Cortex-A53 chipset par chalta hai aur saath mein 1GB DDR4 RAM aur 8GB ki internal storage hai.

Mi TV 4A

Saath hi ismein aapko PatchWall layer ke saath Android TV 9.0 OS milta hai. Ye ek AI technology hai jo aapke search ke according 25 content partners ke platform se chunkar content aapko dikhaata hai. In partners mein Hotstar, Prime Videos, jaisi OTT apps shaamil hain.

Iske alawa Mi TV 4A Horizon Edition mein aapko Mi Home app, built-in Chrome cast, Google Assistant jaise feature bhi milenge. Ismein 10W ke 2 speakers hain jo DTS-HD support ke saath aayenge. Iske alawa connectivity features mein Wi-Fi 802.11 b/g/n, Bluetooth 4.2, 3 HDMI ports, AV, 2 USB 2.0 ports, Ethernet, S/PDIF port shaamil hain.

Mi TV 4A Horizon Edition 40 inch ki kimat 23,999 INR hai aur ye Flipkart, mi.com, Mi Home, Mi Studio aur offline retail partners par 2nd June se kharidne ke liye available hogi.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: