Xiaomi Mi Pocket Speaker 2 Ab India Mein 1,499 INR Ki Kimat Par Available

Xiaomi ne aaj India mein Mi Pocket Speaker 2 launch kiya hai jiski kimat 1,499 INR hai aur ye kewal Mi.com par hi available hoga. Company ne is portable speaker ko India mein World Music Day ke mauke par showcase kiya hai.

Yahi speaker 2016 mein company dwara sabse pehle launch kiya gaya tha aur ise iF Product Design Award 2016 ka khitaab bhi mila tha. Ye speaker Xiaomi ne famous German based company Tymphany ke saath partnership mein manufacture kiya hai aur saath ye dekhne mein behad amazing lagta hai aur ye anodized oxide coating ke saath aluminium se bana hai.

Mi Pocket Speaker 2 mein LED indicator light aur Bluetooth 4.1 jaise features bhi moujood hain. Saath hi iski battery aapko single charge mein 7 hours tak ka playback deti hai.

Mi Pocket Speaker 2 mein top par power button diya gaya hai aur volume kam ya jyada karna, music ko play ya pause karna ya phir Bluetooth pairing karna aap aluminium ring ko rotate karke kar sakte hain. Saath hi ismein diye gaye inbuilt microphone se aap calling bhi kar sakte hain.

5W ka ye Mi Pocket Speaker 2 aapko 1200mAh ki battery ke saath milta hai jiski charging cable iske saath hi aayega aur iska USB power input 5V,1A ka hai.

Achhi baat ye hai ki ye ek portable aur lightweight speaker hai jise aap kahin bhi leja sakte hain aur 7 ghante tak bina kisi disturbance ke music enjoy kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: