Xiaomi Ki Mi Pay Payments App India Mein Launch Hui; Aap Bhi Ban Sakte Hain Beta Tester

Xiaomi is samay India ki top smartphone brand hai aur iske competitive prices par launch huye smartphone, logon ko kaafi pasand bhi aa rahe hain. Lekin aaj Indian market mein aur expand karte huye company ne apni nayi payment app – Mi Pay launch ki hai.

Company ki ye nayi Unified Payments Interface (UPI) service, kewal unhin smartphones mein chal sakegi, jinmein MIUI interface moujood hai. China mein Mi Pay ko 2016 mein hi launch kar diya gaya tha. Jabki India mein is payment app ko company kaafi samay se launch karne ki planning kar rahi thi jo Google Pay aur WhatsApp payment app ko compete karegi.

Xiaomi ki ye Mi Pay UPI based app, easily aapko money transfers aur other payments karne ke liye allow karti hai. India mein is app ko National Payments Corporation of India (NPCI) se approval mil chuka hai aur is samay ye India mein beta mode mein available hai.

Xiaomi Mi Pay ne ICICI Bank aur PayU se tie-up bhi kiya hai. Saath hi ye payement app bhi baaki payment apps se kuch khaas alag nahin hai. Mi Pay ke dwara bhi aap UPI payments, mobile recharges, seedhe aapke bank se kisi other bank account mein transfer, mobile recharge etc. kar sakte hain. Iske alawa Mi Pay dwara aap netbanking aur debit / credit cards ke through bhi payment kar sakte hain.

Xiaomi ki ye payment app MIUI ke saath integrated hai aur expected hai ki ye Xiaomi phones mein hi chalegi. Saath hi upcoming Xiaomi phones mein aapko ye app pre-loaded mil sakti hai.

Halaanki abhi jo available hai, wo Mi Pay ka beta version hai aur iska public version bhi jaldi hi India mein available hoga. Lekin agar aap Xiaomi phone ka use kar rahe hain, to aap bhi is app ke beta tester ban sakte hain.

Beta tester banne ke liye aapko kewal is link par click kar, beta tester banne ke liye apply karna hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: