Xiaomi Mi Mix 3 Ke Camera Samples Leak Huye: Dekhiye Aur Bataaiye Ki Kaisa Hoga Is Premium Smartphone Ka Camera

Xiaomi ka Mi Mix 3, 25th October ko China mein announce hone wala hai. Xiaomi ka ye upcoming flagship smartphone bahut samay se rumors aur leaks mein nazar aa raha hai. Lekin ab is smartphone ke camera samples aur first teaser video bhi saamne aa chuke hain.

Well, neeche di gayi photos ko dekhkar aap khud hi judge kijiye, ki Mi Mix 3 ka camera kaisa hoga.

Mi Mix 3 mein  bahut se khaas features hain, jaise ki slider mechanism jismein cameras diye gaye hain. Iske alawa ye smartphone 5G support ke saath aa sakta hai aur ismein in-display fingerprint scanner bhi hoga. Ismein dual 24 MP front cameras honge.

         

Halaanki rear cameras ke baare mein poori jaankaari nahin hai, lekin rumors ke according ismein 20+16 MP ka dual rear camera setup hoga. Company ke founder ke khud iske camera samples apne social media account par share kiye hain, jinhein aap upar di gayi tasveer mein dekh sakte hain.

Iske alawa Mi Mix 3 ka teaser video bhi saamne aaya hai, jismein slider mechanism, full display nazar aa rahi hai. Aur aaj hi is smartphone se liya gaya ek aur photo saamne aaya hai, jo iske low-light capabilities ko dikha raha hai. Raat ke samay mein li gayi is tasveer mein aap behtareen detailing aur amazing colors dekh sakte hain.

Ab agar iske other specs ki baat karein to, rumors ke according ismein Qualcomm Snapdragon 845 processor hoga. Iske alawa ismein 6.4 inch ki full view display aa sakti hai, 10GB tak ke RAM options ho sakte hain aur ummid hai ki ye 19.5:9 aspect ratio ke saath aayega.

Iske saath hi Mi Mix 3 mein rear mounted fingerprint scanner edition alag aa sakta hai, jiski kimat thodi kam hogi. Is smartphone ke base variant ki kimat lagbhag 38,000 INR ho sakti hai.

Is flagship smartphone ki poori jaankaari hum aapko iske launch hone par zaroor denge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: