Technology

Xiaomi Mi MIX 2s Mein Top Right Corner Notch Par Hoga Front Camera, 27 March Ko Hoga Launch

333
0

Mi MIX 2s ke leaks uske launch date ke nazdeek aane ke saath saath badhte hi jaa rahe hain. Hum sabhi jaante hain ki ye Xiaomi ka pehla smartphone hoga jismein Snapdragon 845 chipset aayega aur ye 27 March ko Shangai mein launch hoga. Lekin haal hi mein leak hui video iska ek aur specification reveal karti nazar aa rahi hai.

Is leaked video mein top right corner par chota sa notch clearly nazar aa raha hai jahaan sirf front camera moujood hai. Saath hi is video mein aap dekh sakenge ki Xiaomi ne almost completely bezel-less display dene ki koshish ki hai saath hi right corner mein camera dene ka kaaran bhi totally full view display provide karna hai.

Shayad ye front camera thoda odd lag raha hai, lekin apne consumers ko immersive full view display dene ki ye ek achhi koshish hai. Iske alawa ismein full HD+ resolution ke saath 5.99-inch ki display hogi jis par Corning Gorilla Glass bhi moujood hoga. Saath hi is smartphone mein aapko 8GB ki RAM aur 256GB ki storage milne ke aasar hai. Is handset mein Android 8.0 Oreo OS hoga jis par MIUI 9 UI diya jayega.

Iske alawa rumors ye kehte hain ki is smartphone mein top right corner mein jo camera hai wo 8 MP ka hoga aur saath hi 12 MP ke dual rear camera ismein diye jaa sakte hain jinke saath dual LED flash, OIS, PDAF aur f/2.0 aperture jaise features honge.

Mi MIX 2s mein Octa Core processor ke saath Adreno 630 grpahics honge aur iski battery 3400mAh ki hogi. Ismein fast charging hoga ya nahin, ye abhi kehna mushkil hai.

Well, iska front look to behad interesting hai, ab baaki ye smartphone aur kitna attractive hoga uske liye humein 27 March ko hone waale launch event ka intezaar karna hoga.

Facebook Comments
Tagged:
Vivo-NEX-1
Technology
Vivo NEX S Aur A 6.59 inch ki full HD+ Display, Pop-Up Camera, SD 845 Aur 710 Chipset Ke Saath Announce Huye
feature - Copy (3)
Technology
Tech News Of The Day – 19th June 2018
144188-phones-news-moto-g6-play-render-image1-ertouqd1iw
Technology
Moto G6 Aur G6 Play Full View Displays Aur Android 8.0 Oreo Ke Saath India Mein Launch Huye
Pooja Choudhary

Leave a Reply

Your email address will not be published.

%d bloggers like this: