Xiaomi Mi Max 4, Mi Max Pro 4 Ki Specs Aur Price Leak Huye

Is samay Xiaomi apne upcoming flagship smartphone Mi 9 ko lekar charcha mein hai, jo ki MWC 2019 mein saamne aa sakta hai. Lekin wahin company ke ek aur smartphone ki leaks saamne aayi hain. Ye smartphone hain – Mi Max 4 aur Mi Max 4 Pro.

Mi Max 4

Halaanki is smartphone ke launch mein abhi kuch months baaki hain, lekin aaj Chinese social media network Weibo par Mi Max 4 aur Mi Max 4 Pro ki price aur specifications leak huye. Is leak ke according Mi Max 4 mein Snapdragon 660 chipset ho sakta hai. Ye handset Q2 mein launch ho sakta hai, lekin phir bhi ismein Snapdragon 660 hi dena, kya aapke according sahi hai, jabki Snapdragon 675 launch ho chukka hai. Halaanki ye sirf leaks hain, ab ye waakyi mein kis chipset ke saath aata hai, ye kehna zara mushkil hai.

Mi Max 4 mein aapko 7.2 inch ki display, Corning Gorilla Glass 5 protection ke saath mil sakti hai. Is tablet-cum-smartphone mein three storage options mil sakte hain. Wahin camera section mein aapko 48 MP rear camera milega, jo Samsung ISOCELL sensor ke saath aayega. Ismein aapko Android 9.0 Pie OS ke saath MIUI 11 hoga. Mi Max 4 mein 5800mAh ki battery, 18W charging ke saath milegi.

Is handset ke jo storage options is image mein nazar aaye hain, wo aap pricing details ke saath neeche dekh sakte hain.

  • 4GB RAM with 64GB storage – 1,599 yuan (approx. 17,000 INR)
  • 6GB RAM with 64GB inbuilt memory – 1,799 yuan (approx. 19,000 INR)
  • 6GB RAM with 128GB internal storage – 1,999 yuan (approx. 21,000 INR)

Mi Max 4 Pro

Mi Max 4 Pro mein aapko latest chipset Snapdragon 675 milega aur ismein Sony IMX586 sensor ke saath 40 MP primary aur 20 MP secondary rear cameras hain. Filhaal rumors ye hain ki is smartphone mein in-display fingerprint sensor aa sakta hai.

Iske alawa Mi Max 4 Pro mein 6GB+64GB, 6GB+128GB aur 8GB+128GB storage options milenge, lekin inki pricing details abhi saamne nahin aayi hai. Wahin iski display aur front camera details bhi abhi saamne nahin aayi hain.

In dono smartphones mein bhi Redmi Note 7 series ki tarah ek mein aapko Samsung ISOCELL sensor aur ek mein Sony IMX586 sensor mil raha hai. Aur chipset bhi isi tarah se diye jaayenge. Halaanki bigger display aur bigger batteries ke saath ye smartphone thode alag honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: