Xiaomi Agle Mahine Launch Karega Mi Max 3, 3C Certification Ke Dauraan Leak Huye Specs

Aisa lag raha hai jaise ki Xiaomi jaldi hi Mi Max 3 ko launch karne jaa raha hai. Haal hi mein is smartphone ne China ka 3C certification bhi paas kar liya hai aur usi dauraan is smartphone ke kuch important specifications bhi reveal ho chuke hain. Halaanki company ke CEO ne ye confirm kiya tha ki Mi Max 3 ko July mein launch kiya jayega aur 3C certification ke baad ye saaf zaahir hai ki ye smartphone July ke first week mein hi launch kiya jaa sakta hai.

3C certification ke alawa, ise Weibo par bhi dekha gaya hai. Sabse pehli cheez jo reveal hui hai, wo ye hai ki Mi Max 3 18W tak ke fast charging support ke saath aayega. M1807E8S model number ke saath list huye is handset mein Qualcomm ka latest mid-range chipset Snapdragon 710 hone ki ummid hai.

Iske alawa Weibo ke according, Mi Max 3 mein 4GB ki RAM aur 64GB ki internal memory ho sakti hai. Aur saath hi iska chipset AI support ke saath aayega. Iske alawa iske rear panel par dual rear cameras vertically set hone ke bhi rumors hain aur apne predecessor ki tarah ismein bhi juicy battery aane ki poori ummid hai.

Halaanki iske price, availability aur camera details ko lekar abhi koi leaks ya rumors nahin hai. Lekin full view display, powerful new processor aur dual rear cameras ke saath ye smartphone attractive features aur price ke saath agle mahine launch ho sakta hai.

Iske alawa, kuch aur reports ka kehna ye bhi hai ki ye Snapdragon 660 chipset ke saath aayega, jo ki ek achha processor hai, lekin haal hi mein launch hua Snapdragon 710 SoC, Snapdragon 660 se doguna powerful maana jaata hai.

Well, complete information aur exact specs jaanne ke liye humein kuch din ka wait to karna hi padega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: