Xiaomi Ne Badi Battery, Badi Display Ke Saath Launch Kiya Mi Max 3, Pricing Details Bhi Confirm Hui

Xiaomi ne bhi aaj apna most-awaited smartphone Mi Max 3 China mein ek launch event ke dauraan unveil kiya. Ye apne predecessor Mi Max 2 se bhi badi display aur battery ke saath launch kiya gaya hai.

Mi Max 3 mein two storage version aayenge-

  • 4GB RAM aur 64GB internal storage wala Mi Max 3, 1699 yuan (approx. 17,500 INR) ki kimat ke saath launch hua hai.
  • 6GB RAM aur 128GB ROM variant ko 1999 yuan (approx. 20,500 INR) mein kharida jaa sakta hai.

Mi Max 3 Meteorite Black, Dream Gold aur Dark Blue colors mein kal yaani 20th July se China mein sale ke liye available hoga.

Mi Max 3 mein 6.9-inch ki full HD+ display, 18:9 aspect ratio aur 84% NTSC color gamut ke saath di gayi hai. Ismein 12 MP ka primary rear camera, Sony IMX363 sensor, f/1.9 aperture, Dual PD focus, LED flash light aur 5 MP ka secondary rear camera ke saath aayega. Is smartphone mein 8 MP ka front camera bhi moujood hai jismein soft LED flash light aur f/2.0 aperture jaise features hain.

Is smartphone mein front camera ke sath aapke face unlock feature bhi milta hai aur saath hi iske camera mein AI features bhi moujood hai.

Mi Max 3 ko power dene ke liye ismein Qualcomm Snapdragon 636 SoC diya gaya hai jiski clock speed 1.8 GHz hai aur saath hi Adreno 509 GPU hai. Ismein LPDDR4x RAM di gayi hai aur two storage options moujood hain.

Iske alawa ismein hybrid dual SIM slot hai aur ye MIUI 10 ke saath aayega jo Android 8.1 Oreo par based hai. Ismein aapko rear panel par fingerprint scanner milta hai aur battery capacity 5500mAh ki hai jo Qualcomm Quick Charge 3.0 support ke saath aati hai. Badi battery hone ke baawajood ye smartphone kaafi slim hai, 7.99mm aur iska weight 221 grams hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: