Xiaomi Mi CC9, CC9e, CC9e Meitu Edition Announce Huye; Ye Hain Specs & Pricing Details

Xiaomi ne haal hi mein apni nayi Mi CC9 series announce ki hai aur aaj company ne iske first two smartphones China mein announce kar diye hain – Mi CC9 aur CC9e. Mi CC9 aur Mi CC9e ke kaafi specs, launch se pehle hi leak ho chuke hain, lekin aaj company ne inke prices ke saath compete details announce ki hain.

Mi CC9 aur CC9e, dono aapko gradient color options mein milte hain aur dono mein hi waterdrop notch di gayi hai. Major difference chipsets ka hai. Mi CC9 mein Octa Core Qualcomm Snapdragon 710 processor hai, wahin Mi CC9e world ka first smartphone hai, jo Qualcomm ke naye Snapdragon 665 processor ke saath launch hua hai.

Saath hi yahaan par company ne CC9 Meitu Custom Edition bhi announce kiya hai, jismein aapko Meitu ki Imaging Algorithm dwara enhanced camera capabilities di gayi hain. Meitu ek Chinese firm hai, jo selfie beautification apps ke liye jaani jaati hai.

ALSO READ: Gaming Lovers Ke Liye Xiaomi Ke In Phones Mein MIUI Aayega Game Turbo Mode

Mi CC9

Ab aate hain specifications ki taraf, Mi CC9 mein 6.39 inch ki full HD+ AMOLED display hai, jis par Corning Gorilla Glass 5 protection diya gaya hai. Saath hi ismein Octa Core Qualcomm Snapdragon 710 processor hai, jo Adreno 616 GPU ke saath aayega. Isi ke saath ismein 6GB aur 8GB RAM options milte hain aur 64GB / 128GB / 256GB internal memory options diye gaye hain. Ismein aapko 4030mAh ki battery, 18W fast charger aur Qualcomm Quick Charge 4.0 support ke saath milti hai.

Mi CC9e

Mi CC9e ki display 6.08 inches ki hai aur AMOLED panel, HD+ resolution ke saath aati hai. Ismein bhi aapko Corning Gorilla Glass 5 protection hi milti hai. Snapdragon 665 chipset ke saath milne waale is phone mein aapko 4GB / 6GB ke RAM options aur 64GB / 128GB ke storage options milte hain. Wahin battery capacity ismein 4030mAh ki hi hai, lekin yahan charger 10W ka hai aur QC 3.0 fast charging support milta hai.

ALSO READ: Xiaomi Ne India Mein Affordable Price Par Launch Kiya Xiaomi Mi Beard Trimmer

Camera Details

Camera setup dono smartphones mein same hi hai. Yahaan 48MP ka primary rear camera Sony IMX586 sensor, f/1.79 aperture aur LED flash light ke saath diya gaya hai. Ismein secondary camera 8 MP ka ultra wide angle lens hai, jo ki f/2.2 aperture ke saath aata hai. Iske alawa third camera 2 MP ka depth sensor hai. Mi CC9 aur CC9e, dono mein aapko 32 MP ka front camera bhi f/2.0 aperture ke saath diya gaya hai.

Iske alawa ye dono phones Android 9.0 Pie OS based MIUI 10 ke saath aate hain.

Pricing Details

Mi CC9

  • 6GB + 64GB storage option – 1799 yuan (approx. 18,000 INR)
  • 6GB + 128GB storage option – 1999 yuan (approx. 20,000 INR)
  • CC9 Meitu Edition 8GB+256GB storage – 2599 yuan (approx. 26,000 INR)

Mi CC9e

  • 4GB + 64GB storage option – 1299 yuan (approx. 13,000 INR)
  • 6GB + 64GB storage option – 1399 yuan (approx. 14,000 INR)
  • 6GB + 128GB storage option – 1599 yuan (approx. 16,000 INR)

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: