Xiaomi Mi Box S Ko U.S. Mein Announce Kiya Gaya; Ab 4K HDR Content Ke Saath Lijiye TV Ka Anand

Xiaomi ne aaj US mein apna streaming media player launch kiya, jise Mi Box S naam diya gaya hai. Mi box S ki kimat $59.99 hai aur ye aaj se hi U.S. mein pre-orders ke liye available hai, jabki iski shipping 4th November se start hogi.

Mi Box S, Mi Box 4 se kaafi similar design mein launch kiya gaya hai. Dekhne mein ye kaafi compact look deta hai. Size mein compact hone ke sath hi iska weight bhi bahot kam hai jo ki sirf 147 grams hai. Mi Box S ko ek voice control remote ke sath launch kiya gaya hai jo ki Google Assistant ko support karta hai.

Mi Box S ko sirf black color mein hi launch kiya gaya hai. Xiaomi Mi Box S aapko 4K HDR quality ke saath content deliver kar sakta hai. Ye Box aapko in-built Chromecast aur Google Assistant ke sath milta hai. 4K Video format ke sath yeh box MP4, Gif, Tif, JPG, PNG, Dolby, DTS jese major formats ko bhi support karta hai.

Mi Box S mein Quad-core 64-bit Cortex CPU aur Mali -450 GPU diya gaya hai. Storage ki baat karein to, ismein 2GB ki DDR3 RAM aur 8GB internal storage di gayi hai. Connectivity ki baat ki jaaye to ismein dual band Wi-Fi aur Bluetooth connectivity ka option diya gaya hai. 1 USB 2.0 port, 1 power input interface, 1 HDMI port aur 1 port audio output options milte hain.

US ki e-commerce website Walmart se aap ise pre-order kar sakte hain aur ye 4th November se available hoga. Halaanki India ya China mein iske launch ki abhi koi khabar nahin hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: