Xiaomi Mi A3 Smartphone Ke Leak Specs Aaye Saamne, Mil Sakta Hai 32MP Ka Front Facing Camera

Xiaomi ke Mi A3 smartphone ki leaks lagatar humare saamne aa rahi hain. Kal company ne iss phone ki teaser image ko twitter par show kiya tha, wahin aaj iske kuch leak specs humare saamne aaye hain. Iss baat ki charcha kaafi samay se ho rahi hai, ki company China ke bahar Mi CC9 phone ko hi Mi A3 ki re-branding ke saath announce kar sakti hai. Iske alawa teaser image se yeh baat kaafi had tak confirm hoti huyi bhi nazar aa rahi hai.

 

Rumors ki according Mi A3 mein notch display di jaa sakti hai, saath hi yeh phone triple rear camera setup ke saath launch kiya jaa sakta hai. Iske alawa leak image mein humein headphone jack bhi dekhne ko mil raha hai, jo ki Mi A2 mein nahi diya gaya tha. Last rumors ki maane to iss phone mein company Snapdragon 730 ya Snapdragon 675 chipset ka use kar sakti hai, lekin aaj saamne aayi leaks mein yeh bataya jaa raha hai ki iss phone men humein Snapdragon 665 chipset dekhne ko mil sakta hai. Leaks images mein phone ke rear panel glass made dikhai de raha hai.

Inn sabhi leaks ke alawa, rumors ki maane to Mi A3 phone mein humein 6 inch ki FHD+ AMOLED display dekhne ko mil sakti hai. Saath hi phone mein 32MP ka front facing camera aur 48MP+8MP+2MP ka triple rear camera setup diya jaa sakta hai. Phone ko 4000mAh ki battery ke saath announce kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: