Xiaomi Mi A3 Ki India Launch Date Reveal Hui

Xiaomi globally apna latest stock Android phone Mi A3 Europe mein already introduce kar chuki hai aur ab industry ke reliable sources se is  Android Phone ki India launch date ka bhi pata chala hai.

Sabse pehle aapko bata dete hain ki Mi A3, Xiaomi ke hi recently launch huye Mi CC9e ka stock Android version hai. Is smartphone ke sabhi specs saamne aa hi chuke hain aur aaj iski India launc date bhi reveal ho gayi hai. Industry ke hi well-known source ne Smartprix ko bataaya hai ki Mi A3 ko India mein 23rd August ko launch kiya jayega.

Iske specs ki baat karein to, Mi A3 mein 6.08 inch ki HD+ display hai, lekin yahaan aapko AMOLED display nahin milti aur is handset mein full HD+ display expect ki jaa rahi thi, jo ki nahin hai. Company ne ise Qualcomm Snapdragon 665 chipset ke saath launch kiya hai, jo ki 11nm process based hai.

Iske alawa Mi A3 mein UFS 2.1 storage di gayi hai aur ise 4GB RAM aur 128GB internal memory ke saath launch kiya gaya hai. Saath hi ismein hybrid card slot hai, to aap memory ko expand bhi kar sakte hain.

Lekin ismein ek plus point bhi hai aur wp ye ki yahaan aapko triple rear cameras milte hain, jismein 48MP ka primary rear camera, Sony IMX586 sensor ke saath diya gaya hai, 8MP ka wide angle lens aur 2 MP ka depth sensor bhi shaamil hai. Iske alawa front par bhi aapko 32MP ka selfie snapper milta hai.

Mi A3 mein 4030mAh ki battery milti hai, jo 18W fast charger ke saath aayegi. Is handset mein aapko Android 9.0 Pie OS milta hai.

Mi A3 ko three color options mein reveal kiya jayega, jismein ‘Not Just Blue’, ‘More Than White’ aur ‘Kind of Gray’ shaamil hain.

An is smartphone ke specs aur India launch ki date to aagyi hai, lekin price ko lekar questions aur excitement baaki hai. Aapko kya lagta hai, kya hona chahiye is smartphone ka price.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: