Xiaomi Mi A3 Iss Date Par Hoga India Mein Launch, Manu Kumar Jain Ne Tweet Kar Bataya

Last month Xiaomi ne Spain mein Xiaomi Mi A3 smartphone ko announce kiya tha. Iske baad se hi iss phone ke India launch ki khabarein aana shuru ho gayi thi. Sabse pehle saamne aayi leak mein bataya jaa raha tha ki yeh phone 23rd August ko India mein launch kiya jaa sakta hai, Lekin aaj Xiaomi India ke head Manu Kumar Jain ne twitter par post kar ke phone ki official launch date ko announce kar diya hai.

Manu Kumar Jain ne bataya ki company Xiaomi Mi A3 Android One smartphone ko 21st August ko India mein launch karegi. Launch ki timing 12 PM mention ki gayi hai. Itna hi nahi, tweet kiye gaye post mein colorful tarike se Number 3 likha gaya hua hai, jismein 3 camera lens different point par dikhai de rahe hain, jo ki phone ke triple camera lens ko indicate karte hain. Saath hi post mein #48MPAndroidOne likha hua hai.

Yeh phone Spain mein teen color options Not Just Blue, More Than White aur Kind of Gray colors mein launch kiya gaya hai. Company ne bataya hai ki iss phone ko 3 years ke security update aur 2 years ke software update ke saath launch kiya jaayega. Rear panel par diya gaya camera setup 48MP+8MP+2MP ka hai. Iske alawa front facing camera 32MP ka hai. Iss phone mein 4030mAh ki battery di gayi hai, jo ki 18W fast charging ke saath aati hai. Iske alawa iss phone mein Qualcomm Snapdragon 665 chipset ka use kiya gaya hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: