Xiaomi Mi A3 India Mein Launch Hua; Price 12,999 INR Se Start: Specs, Price & Unboxing Video

Xiaomi ka latest Android One smartphone- Mi A3 aaj India mein launch ho chuka hai. Is smartphone ko Not Just Blue, More Than White aur Kind of Grey color options mein announce kiya gaya hai aur 23rd August se ye sale ke liye Amazon, Mi.com aur Mi Home stores par available hoga.

Saath hi company ne ye bhi announce kiya hai, ki India mein leading offline stores par bhi Mi A3 jaldi hi milne lagega.

Is handset ki specs global launch ke samay bata hi di gayi hain. Is Android 9.0 Pie OS based smartphones mein aapko 6.08 inch ki HD+ display di gayi hai aur power den eke liye Octa Core Qualcomm Snapdragon 665 processor moujood hai.

Mi A3 mein triple rear cameras diye gaye hain, jinmein trending 48MP ka primary camera Sony IMX586 sensor ke saath moujood hai, 8 MP ka ultra wide angle camera 118 degree wide angle lens ke saath hai aur 2 MP ka depth focusing shooter f/2.4 aperture ke saath fit kiya gaya hai.

Saath hi ismein aapko 32MP ka selfie camera f/2.0 aperture ke saath milta hai. Mi A2 mein aapko kewal 12,999 INR mein in-display fingerprint scanner bhi mil raha hai, aur 18W quick charge fast charging ke saath 4030mAh ki battery di gayi hai.

ALSO READRedmi Note 8 Pro 64MP Quad Camera Phone Ki Launch Date Announce Hui

Is handset ka 4GB RAM ke saath 64GB internal memory version 12,999 INR mein available hoga, jabki 6GB RAM ke saath 64GB storage option ko aap 15,999 INR mein kharid payenge.

Mi A3 mein trending camera setup hai, stock android version hai aur ek achha chipset bhi hai, lekin yahaan par display HD+ resolution ke saath di gayi hai, jabki affordable range mein bhi ab mostly handsets mein aapko full HD+ hi mil rahi hai. Well, ye hamaara opinion hai, ab kya kehna hai, ye aap bhi comments mein share kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: