Xiaomi Mi A3 Announce Hua: Ye Hai Iski Price & Specs

Xiaomi ne India mein Redmi K20 series launch karne ke baad aaj globally Mi A3 bhi announce kar diya hai. Expected hai ki ye phone jaldi hi India mein bhi launch kiya jayega. Well, Mi A3, haal hi mein China mein launch huye Mi CC9e ka Android One version kaha jaa sakta hai.

Aaiye ab is Mi A series ken aye phone ke specs par ek nazar daalte hain.

Mi A3 mein 6.08 inch ki HD+ AMOLED display hai, lekin kya aapko bhi meri tarah ye thoda disappointing lag raha hai. Well Mi A3 mein full HD+ display expect ki jaa rahi thi, lekin yahaan par aapko HD+ display se hi kaam chalana padega. Saath hi ismein Corning Gorilla Glass 5 protection bhi hai. Ismein Octa Core Qualcomm Snapdragon 665 chipset ka use kiya gaya hai, jiske saath aapko Adreno 610 GPU milta hai.

Is naye Xiaomi Android One smartphone mein selfie camera aapko trendy milta hai, yahaan par 32MP ka frontal sensor moujood hai, jo ki waterdrop notch mein fitted hai. Isi ke saath ismein triple rear cameras hain. 48 MP ka primary camera Sony IMX586 sensor, f/1.79 aperture aur LED flash light ke saath milta hai. Wahin 8 MP camera 118 degree wide angle lens ke saath diya gaya hai aur 2 MP ka depth sensor yahaan par third camera hai.

Iske alawa Mi A3 mein aapko in-display fingerprint scanner bhi diya jaa raha hai. Saath hi battery capacity 4030mAh hai, jo ki 18W Quick Charge fast charging support ke saath di gayi hai. Is handset mein aapko hybrid dual SIM slot, dual 4G VoLTE support, Wi-Fi 802.11 ac, Bluetooth 5, USB Type-C port jaise connectivity options milte hain.

Ab aate hain iski pricing ki taraf. Is handset mein aapko two storage options milte hain.

  • 4GB RAM ke saath 64GB storage option ka price 249 Euros (approx. 19,000 INR).
  • 4GB RAM ke saath 128GB storage model ki cost 279 Euros (approx. 21,000 INR).

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: