Xiaomi Mi A2 Ke Saath Ek Aur Smartphone Aane ki Ummid, Redmi S2 Expected

Xiaomi ke India mein launch huye pehle Android One smartphone Mi A1 ke successor ka intezaar logon ko tabhi se hai jab se Mi 6X ke rumors market mein aaye. Ab jab Mi 6X launch ho chuka hai to Mi A2 ka India launch bhi Mi fans jaldi hi expect kar rahe hain.

Lekin filhaal is smartphone ko lekar khaas khabar ye hai ki Xiaomi is baar ek nahin balki 2 Android One smartphones launch kar sakti hai. Leaked information ke according company Mi A2 ke saath ek aur budget Android One Smartphone launch karne ki taiyaari mein hai.

XDA Developers ki reports ke according Xiaomi ke two smartphones ki coding saamne aayi hai jinmein smartphones ke codename “jasmine_sprout” aur “daisy_sprout” hai. In dono mein se ek smartphone Mi A2 ho sakta hai aur doosre ka naam abhi clear nahin hai. Aisa isliye kaha jaa raha hai kyonki Mi A1 ka codename “tissot_sprout” tha aur in sabhi mein “sprout” word ye mention karta hai ki ye sabhi Android One smartphones hain.

Saath hi is site dwara jo firmware files saamne aayin hain unmein ye bhi saaf nazar aa raha hai ki in 2 naye smartphones mein Android par MIUI system apps nahin hai. Saath hi yahaan ek XML file bhi mili hai jismein “com.google.android.feature.ANDROID_ONE_Experience” mention hai jisse ye saaf hai ki ye dono smartphones Android One hi honge.

Saath hi ummid ye hai ki “jasmine_sprout” codename wala smartphone Mi A2 hai kyonki ye Snapdragon 660 processor ke saath aayega jo Mi 6X mein bhi diya gaya hai. Iske alawa doosra smartphone Redmi S2 bhi ho sakta hai jiske leaks ki khabarein pichle kuch dinon mein aa chuki hain aur haal hi mein TENAA certification par bhi spot kiya gaya tha.

Filhaal, ummid yahi hai ki Xiaomi jaldi hi in dono smartphones ki launch date announce karega jinmein ek mid-range aur ek affordable smartphone hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: