Good And Bad Points About Xiaomi Mi A2

Xiaomi kuch hi ghanton mein aaj India mein Mi A1 ka successor yaani ki Mi A2 launch karne jaa rahi hai. Isse pehle ye smartphone Spain mein launch kiya jaa chuka hai, jahaan se iske saare specifications to aa hi chuke hain aur India mein iska price kya hoga, wo bhi kal Amazon ke through leak ho chuka hai.

Lekin har smartphone ki tarah iske bhi apne good aur bad points hai, jo kharidne se pehle aapko zaroor jaan lene chahiye.

Pros

  • Rear Camera – Mi A2 mein 12 + 20 MP ka dual rear camera setup hai aur kewal bigger resolution hi nahin hai, balki aapko waakyi mein achhi images bhi milti hain. 12 MP primary camera hai jismein f/1.8 aperture, LED flash light moujood hain aur 20 MP ka secondary camera bhi f/1.8 aperture ke saath yahaan low-light images ko improve karta hai. Is camera se liye gaye shots kaafi clear aur detailed hain, saath hi aapko color saturation bhi accurate dikhega. Low-light photography mein bhi aapko ye rear camera disspoint nahin karta hai.
  • Front Camera – Mi A2 mein 20 MP ka front camera diya gaya hai aur saath hi soft LED flash bhi hai. Mi A1 mein diye gaye 5 MP selfie shooter ke mukaable ye aapko yahaan kaafi achhi pictures deta hai. Seflies mein bhi aapko good amount of details aur natural colors milte hain aur low-light conditions ke liye selfie flash to hai hi.

  • Processor – Mi A1 mein company ne Snapdragon 625 chipset diya tha, jabki Mi A2 mein aapko Snapdragon 660 processor mil raha hai jismein four Kryo cores 1.8 GHZ ki speed ke saath aur four Kryo cores 2.2 GHz ki speed ke saath milne waale hain. Jabki agar aap comparison karte hain, to mid-range phones mein aapko Snapdragon 630 ya 636 chipset milte hain, ya fir Helio P60 aur Exynos 7870 chipset jo ki Galaxy A6 mein hai. Overall baat karein to, Mi A2 ka chipset mid-range mein kaafi behtar hai, jis par aap rely kar sakte hain aur performance, all-usage ya gaming ke dauraan ye aapko achha result dega.
  • Stock Android – Mi A2 ki sabse achhi cheez yahi hai ki ye pure Android ke saath aata hai aur ismein Android 8.1 Oreo moujood hai. Jaise hi aap phone pick karte hain ye pehle aapko clock, notifications aur two shortcuts show karta hai. interface bhi simple aur achha hai. Iska fingerprint bhi fast hai. Software bhi yahaan par achha hai.

Cons

  • No 3.5mm audio jack – Mi A2 mein USB Type-C port hai, ye ek achhi cheez hai, lekin yahaan 3.5mm audio jack missing hai, yaani ki audio aur charging dono ke liye aapko Type-C port se hi kaam chalana padega. Halaanki box mein aapko Type-C se 3.5mm audio jack connector milega.
  • Display quality – Mi A2 mein 5.99 inch ki full HD+ display hai, halaanki indoor situations mein ya low-lighting mein aapko ye achha response deti hai aur bright bhi lagti hai, lekin direct sunlight mein iski visibility achhi nahin hai. Full brightness karne par bhi aap Mi A2 ko bright sunlight mein use nahin kar sakte. Otherwise, display ke viewing angles aur colors decent hai.

  • MicroSD Card – Mi A2 mein 4GB RAM aur 64GB internal memory milti hai, lekin ye expandable nahin hai. Yaani ki Mi A2 mein microSD card bhi missing hai.
  • Battery capacity – Mi A1 ke comparison mein price badh zaroor gaya hai, lekin battery capacity kam kar di gayi hai. Ismein aapko kewal 3,000mAh ki battery milti hai, jo full charge hone mein takreeban 2 hours ka time leti hai. Halaanki India mein ise Quick charge 4.0 support mila hai, lekin iske liye aapko alag se charger purchase karna hoga.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: