Xiaomi Mi A2 Ka Price Phir Se Kam Hua, Company Kar Rahi Hai Mi A3 Ke Launch Ki Taiyaari

Xiaomi ne last year Mi A1 ka successor launch kiya tha, Mi A2, jo ki company ka second Android One smartphone hai. Ye smartphone apni price range mein ek best camera performer bhi hai aur overall bhi ek good smartphone aap ise keh sakte hain. India mein is handset ko 16,999 INR ke price par launch kiya gaya tha, jabki ab iski kimat kaafi kam hai.

Mi A2 ke two storage options launch kiye gaye the, jinmein 4GB+64GB version ki cost 16,999 INR thi aur 6GB+128GB storage variant ko 19,999 INR ke price tag ke saath launch kiya gaya tha. In dono storage versions ki kimat November 2018 mein 1,000 INR kam ki gayi thi. Lekin aaj company ne Mi A2 ke price ko phir se reduce kiya hai.

Mi A2 ka 4GB RAM ke saath 64GB internal storage variant ab 13,999 INR aur 6GB RAM ke saath 128GB ROM version 15,999 INR mein available hai.

ALSO READ: Redmi Hogi Ab Independent Smartphone Brand

Wahin specs ki baat karein to, Mi A2 mein aapko 5.99 inch ki FHD+ display, 12+20 MP ka dual rear camera aur 20 MP ka front camera milta hai. Ye dual SIM based smartphone Octa Core Qualcomm Snapdragon 660 chipset par chalta hai aur ismein Qualcomm Quick Charge 4+ fast charging support ke saath aapko 3010mAh ki battery milti hai.

Wahin rumors ye aa rahe hain, ki Xiaomi apne next Android One smartphone aur Mi A2 ke successor Mi A3 par bhi kaam shuru kar chuki hai. Darasal, Android 9.0 Pie based user interface mein orchid_sprout codename dekha gaya hai. Aur hamesha se codename mein ‘sprout’ word Xiaomi ke Android One smartphones ke liye hi kiya jata hai.

Isse pehle Mi A1 aur Mi A2 ke liye bhi company ne codename tissot_sprout aur jasmine_sprout use kiye hain. Isiliye is codename se yahi expect kiya jaa raha hai ki Mid of 2019 mein company Mi A3 ko launch kar sakti hai.

ALSO READ: January 2019 Mein Release Hongi Ye 5 Biopic

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: