Xiaomi Mi A2 Ka 6GB RAM, 128GB Internal Stroage Variant Aaj Se India Mein Available, Ye Hoga Price

Xiaomi ke Mi A2 ke baare mein to aap jaante hi hain, India mein August mein ye handset launch ho chuka hai. Us samay company ne ise 4GB RAM aur 64GB internal memory ke saath announce kiya tha, jo ki logon ko slightly overpriced hi laga. Aaj is Android One smarphone ka 6GB+128GB storage option bhi India mein announce kiya gaya hai. Ab aap bataaiye kya iski price bhi aapko sahi lagi ?

Detailed Specifications

Specs ki yaad dilaayein, to Mi A2 mein aapko 5.99 inch ki full HD+ display, Corning Gorilla Glass 5 protection ke saath milti hai. Ye smartphone Snapdragon 660 chipset par chalta hai aur ismein 6GB ki RAM aur 128GB ki internal memory hogi.

Mi A2 mein dual nano SIM aur ek micro SD card slot diya gaya hai. Ismein 12+20 MP ka dual rear camera setup, LED flash light, f/1.75 aperture aur Sony IMX486 sensor jaise features ke saath milta hai. Iska 20 MP ka front facing camera bhi soft LED flash light aur Sony IMX376 sensor ke saath top bezel par fitted hai.

Ye handset dual 4G VoLTE aur rear mounted fingerprint scanner support ke saath aata hai. Ismein 3010mAh ki battery Qualcomm Quick Charge 4+ fast charging support ke saath di gayi hai.

Pricing Details

Xiaomi Mi A2, Amazon exclusive hai aur aaj se hi Amazon par available bhi hai. Is 6GB+128GB version ki cost 17,999 INR hai. Lekin company ke according ye limited offer hi hai, aur baad mein is smartphone ki price badhaayi jaa sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: