Xiaomi Mi A2, 17,499 INR Ke Price Par Amazon.in Par Pre-Orders Ke Liye Available

Mi A2 kal India mein launch hone jaa raha hai aur Mi fans bhi iska besabri se intezaar kar rahe hain. Lekin agar aap waakyi is smartphone ko kharidna chahte hain, to hum aapko bata dein ki ye handset abhi se Amazon.in par pre-orders ke liye available hai aur iska price hai 17,499 INR.

Launch se thik ek din pehle, ye smartphone complete specifications aur pricing details ke saath Amazon.in par pre-orders ke liye available hai. Is smartphone ke India mein two versions expect kiye gaye the, lekin filhaal 4GB RAM + 64GB internal memory variant hi 17,499 INR ke price tag ke saath nazar aa raha hai. Xiaomi 6GB RAM version launch karegi ya nahin, iske liye kal ke launch event tak ka intezaar to karna padega.

Filhaal ek nazar dobara se daalte hain, Mi A2 ke specs ki taraf, ismein 5.99-inch ki full HD+ display hai aur saath hi ise protect karne ke liye Corning Gorilla Glass 5 bhi diya gaya hai. Ismein Occta Core Qualcomm Snapdragon 660 processor moujood hai aur saath hi Adreno 512 GPU.

Mi A2 mein 12 + 20 MP ka dual rear camera setup diya gaya hai jismein LED flash light, f/1.75 aperture, AI enabled portrait mode aur 4K video recording at 30fps jaise features hain. Saath hi front par bhi ismein aapko 20 MP ka selfie shooter milne waala hai aur ismein AI Beautify 4.0 mode, HDR, bokeh effect jaise features included hain.

Is stock Anroid ke saath aane waale smartphone mein aapko dual SIM support aur 3010mAh ki battery milti hai. Sath hi ek aur khaas baat ye hai ki ismein Qualcomm ka Quick Charge 4.0 fast charging support milne wala hai, jo ki sirf is smartphone ke Indian versions mein aayega. Iske alawa ismein rear panel par fingerprint scanner bhi moujood hai.

Specs, Pricing Details ke baad ab kewal is smartphone ke launch aur iski availability details ka hi intezaar baaki hai, jo kal company reveal karne waali hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: