Xiaomi Mi A2 Aur Mi A2 Lite Launch Se Pehle Portugal Online Retailer Par Nazar Aaye, Price Bhi Hua Leak

Xiaomi ne kal hi Mi A2 ke global launch event ke invites sent kiye hain. Saath hi company announce kar hi chuki hai ki ye smartphone Madrid, Spain mein 24th of July ko launch hone wala hai aur aaj hi is handset ko Portugal ke ek online retail channel par dekha gaya hai, jahaan iske specs aur pricing details leak hui hain. Iske alawa isi website par Mi A2 Lite ko bhi dekha gaya hai aur expect ye kiya jaa raha hai ki ye handset Redmi 6 Pro ka global variant hoga. Jabki Mi A2, April mein China mein launch huye Mi 6X ka global version ho sakta hai, jo ki ek Android One smartphone hoga.

Mi A2 aur A2 Lite ke specs bhi leak huye hain. Rumors se ye hain ki Mi A2 mein 5.99 inch ki full HD+ 2.5D curved glass display aayegi. Saath hi ise power dene ke liye Qualcomm snapdragon 660 processor diya jaa sakta hai. Iske alawa ismein three storage version launch hone ki ummid hai jismein 4GB RAM ke saath 32GB internal memory version, 4GB RAM ke saath 64GB internal storage option aur 6GB LPDDRX RAM ke saath 128GB ROM variant shaamil hain.

Mi A2 mein 12 MP ka primary aur 20 MP ka secondary rear camera ho sakta hai jinmein LED flash light aur f/1.75 aperture hone ki ummid hai. Iske alawa ismein front camera 20 MP resolution ke saath aa sakta hai aur iski battery 3010mAh ki hone ki ummid hai. Kyunki ye expected hai ki ye android One smartphone hoga, isiliye ismein koi custom UI nahin hogi aur ye Android 8.1 Oreo par chalega.

Iske alawa Portugal website par Mi A2 Lite handset bhi spot kiya gaya hai, jismein 5.84-inch ki full HD+ display aa sakti hai. Ismein Octa core Qualcomm Snapdragon 625 processor aane ki ummid hai jiske saath Adreno 506 GPU aayega. Ismein bhi three storage options aa sakte hain jinmein 3GB RAM + 32GB storage version, 4GB RAM + 32GB internal memory option aur 4GB RAM + 64GB ROM version shaamil hain.

Mi A2 Lite mein 12 + 5 MP ka dual rear camera setup ho sakta hai jismein f/2.2 aperture, LED flash light, Sony IMX486 sensor aur PDAF jaise features honge. Iska front camera 5 MP ka ho sakta hai. Iske alawa ismein 4000mAh ki badi battery aane ki ummid hai, lekin usmein fast charging support hoga ya nahin, ye kehna mushkil hai.

In dono hi smartphones mein dual SIM support, dedicated microSD card slot aur rear panel par fingerprint scanners bhi moujood honge.

Iske alawa inki rumores pricing details jo saamne aayin hain, usmein Mi A2 ki starting price PLN 1,299 (approx. 24,000 INR) hai, halaanki ummid ye hai ki India mein ye lower price ke saath launch hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: