Xiaomi Mi A2 Android One Smartphone Announced: Features, Exact Price And Availability

Xiaomi ka latest Android One smartphone aur Mi A1 ka successor, Mi A2 India mein aa chuka hai. Jaisa ki hum aapko bata chuke hain ki ye Amazon exclusive smartphone hai, lekin iska price 17,499 INR nahin, balki 16,999 INR hai.

Ek expectation jo Xiaomi ne poori nahin ki wo ye hai ki iska 6GB RAM + 128GB ROM version India mein launch nahin kiya gaya hai, lekin company ke according ise baad mein India mein announce kiya jayega.

16,999 INR ke price par Mi A2 4GB RAM + 64GB ROM version, kal se pre-orders ke liye Amazon aur Mi.com par available hoga aur iski sale next week se start hogi. Saath hi aap ise Mi Home stores se bhi purchase kar sakte hain.

Aaiye phir se daalte hain ek nazar Mi A2 ke features par, Ismein 5.99-inch ki FHD+ display, Snapdragon 660 chipset, Adreno 512 GPU aur Android 8.1 Oreo OS hai, company ne ye bhi announce kiya hai ki ismein aapko Android 9.0 Pie update bhi milega.

Iske alawa ismein 12 + 20 MP ka dual rear camera setup diya gaya hai aur front par 20 MP selfie snapper hai, jiske saath flash bhi aayegi. Rear panel par fingerprint scanner center mein hai aur neeche ki taraf Mi aur Android one ki branding hai.

Iske alawa iski body aluminium ki hai aur 3010mAh ki battery hai jo ki non removable hai. Ismein dual SIM slot moujood hai, lekin microSD card slot nahin diya gaya. Audio output aur charging dono ke liye bottom edge par USB Type-C port hai, lekin box mein aapko USB-type-C to 3.5mm audio jack connector diya jayega. Saath hi iski battery kewal India mein Quick Charge 4.0 support ke saath aayegi.

Mi A2 ko aap Lake Blue, Gold, Rose Gold and Black colors mein kharid sakte hain aur iski first sale 16th August ko start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: