Xiaomi Mi A1 Aur Honor 7X Ka Camera Comparison: Kaun Karta Hai Behtar Click ?

Jab bhi aap koi smartphone kharidne jaate hain to aapka criteria kya hota hai, ek achhi display, ek behtareen camera ya powerful processor?

India mein young generation ki baat ki jaaye to poora desh aapko selfie ka diwana nazar aayega. Log kahin bhi jaayein, tasveerein click karna nahin bhoolte. Is lihaaz se sabko ek behtarcamera wala phone chahiye.

Aur aadhi se jyadayoung generation ka smartphone budget 10 to 15K ke bich hi hota hai. Isi baat ko dhyaan mein rakhte huye bahut si smartphone companies ab budget smartphones mein behtar selfie camera aur dual rear cameras zaroor dete hain.

Haal hi mein Xiaomi ne Mi  A1 launch kiya hai aur Honor ka 7X bhi India mein ab available hai. Xiaomi Mi A1 ka price 13,999 hai aur Honor 7X ko aap 12,999 INR mein kharid sakte hain.

Well, agar aap in dono smartphones ke bich camera ko lekar confuse hain, to hamaare is comparison dwara aapki problem solve ho sakti hai.

Mi A1 mein dual 12 MP rear cameras hain jinmein se ek color aur doosra telephoto lens wala hai, saath hi iska front camera 5 MP ka hai. Doosri taraf, Honor 7X mein aapko ek 16 MP ka primary rear camera milta hai aur doosra 2 MP ka secondary rear camera jo depth ke liye diya gaya hai. Iska front camera 8 MP ke saath aayega. Dono handsets mein portrait mode aur selfie flash jaise features bhi hain.

Aaiye dekhte hain in dono smartphones mein se kiske camera ka performance aapko pasand aata hai.

Mi A1 se click ki gayi photos mein detailing bhi achhi hai aur colors bhi natural hain, lekin Honor 7X mein colors ko thoda jyada expose kar diya gaya hai, lekin detailing ismein bhi thik hi hai. Halaanki Mi A1 mein colors achhe dikhte hain, lekin halki si warmth nazar aati hai.

Ab portrait mode ki baat karein to Mi A1 ka portrait mode Honor 7X se achha kaam karta dikh raha hai. Mi A1 mein 2X zoom feature ke saath black ground achhe se blurr hai aur image utni hi clear hai jiski ek ek detail aapko saaf saaf nazar aayegi. Doosri taraf Honor 7X mein software dwara blurr effect diya jata hai jiska thoda fark main object par bhi nazar aata hai, saath hi halki se color correction bhi aapko dikhegi. Jabki Mi A1 mein aapko images natural colors ke saath hi milti hain.

Front camera ko dekhein to Honor 7X ka 8 MP ka camera daylight mein Mi A1 se achhi photos le raha hai, kyunki pixels jyada hain, lekin portrait mode aate hi Mi A1 ki tasveer khoobsoorat lagti hai kyonki Honor 7X mein background ke saath selfie lene waale person par bhi halka sa blurr effect dikhta hai. Jabki Mi A1 mein background poori tarah blurr aur selfie lene waala behad clear nazar aata hai.

Beautification mode bhi dono mein hai, lekin Mi A1 ka jyada achha kaam karta hai. Iske alawa dim light mein selfies  A1 ki acchi hai, jabki Honor 7X mein aapko kuch nazar nahin aayega. Wahin agar flash ke saath photos click karte hain to Mi A1 mein face par natural light dikhegi aur Honor 7X mein face kuch jyada hi chamak jaata hai.

Dono ka comparison karne par humein Xiaomi Mi A1 ka camera, Honor 7X ke camera performance se achha lag raha hai. Aapki kya raay hai ?

Facebook Comments

Recommended For You

About the Author: Pooja

1 Comment

Leave a Reply

Your email address will not be published.

hi हिन्दी
X
%d bloggers like this: