Xiaomi Mi 9, Snapdragon 855 Chipset & Triple Rear Cameras Ke Saath Attractive Price Par Launch Hua

Jaisa ki hum sabhi jaante the, ki Xiaomi 20th February ko apna latest flagship smartphone launch karne waala hai, aur aaj company ne Mi 9 ko China mein announce kiya. Is smartphone ko flagship phone kaha gaya hai, aur ismein aapko chipset bhi flagship hi milne waala hai. China mein Mi 9, Febryary 26 se sale ke liye available hoga.

Mi 9 mein 6.39 inches ki full HD+ Super AMOLED display hai, yahaan aapko Corning Gorilla Glass 6 protection bhi di gayi hai. Ismein Android 9.0 Pie OS par based MIUI 10 hai aur dual SIM support bhi moujood hai.

Ismein 7nm process par based Octa Core Qualcomm Snapdragon 855 chipset ismein milta hai. Ismein tri-cluster architecture ka use kiya gaya hai, jahaan single core ki clock speed 2.84 GHz hai, three cores 2.42 GHz ki clock speed ke saath hai, aur another fours cores ki clock speed yahaan 1.8 GHz hai. Saath hi Adreno 640 GPU bhi hai.

Redmi Note 7 ke baad, company ne Mi 9 mein bhi 48 MP camera ko continue kiya hai. Ismein triple rear cameras diye gaye hain. Ismein bhi 48 MP ka primary rear camera, Sony IMX586 sensor aur f/1.75 aperture ke saath diya gaya hai. LED flash light, Laser auto focus, PDAF aur CAF bhi iske camera features mein included hain. Second camera 16 MP ka hai, jo Sony IMX481 sensor, 117 degree wide angle lens aur f/2.2 aperture ke saath aayega. Wahin third telephoto lens, 12 MP resolution, 6P lens aur 2x lossless zoom ke saath fitted hai.

Mi 9 mein waterdrop notch di gayi hai, jismein 20 MP ka frontal snapper moujood hai. Iske alawa ismein aapko 3300mAh ki battery, 27W fast charging aur 20W wireless charging support ke saath di gayi hai.

Mi 9 ki price bhi kaafi attractive hai. Flagship chipset aur triple rear cameras jaise features ke saath bhi ye 2999 yuan (approx. 31,500 INR) ke price ke saath start hota hai, jo ki iske 6GB+128GB version ki cost hai. Iska 8GB+128GB variant, 3299 yuan (35,000 INR) ki price tag ke saath launch kiya gaya hai. Iske alawa high-end version 12GB +256GB ki cost 3999 yuan (approx. 42,500 INR) hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: