Xiaomi Mi 9 Ke Saath Mi 9 SE Bhi Hua Launch, Latest Snapdragon Chipset & Attractive Price

Xiaomi ne apne flagship smartphone series Mi 9 ko aaj launch kar diya hai. Iss series mein company ne three different phone launch kiye hain, Mi 9, Mi 9 SE aur Mi 9 transparent edition. Xiaomi Mi 9 ki specifications aur details humne aapko last article mein already de di hain. Yahan hum Mi 9 SE ke features aur specifications ke baare mein aapko batayenge. Sabse pehle aapko bata de ki yeh phone last year launch huye Mi 8 SE ka successor version bataya jaa raha  hai.

 

Mi 9 SE mein 5.97 inch ki Full HD+  Super AMOLED display di gayi hai jo ki NTSC colour gamut ke saath aati hai. Phone mein aapko 600 nits level ki brightness dekhne ko milti hai. Phone ki screen ko Corning gorilla glass 5 ke saath protect kiya gaya hai. Internal hardware ki baat karein to Mi 9 SE mein Octa- core Snapdragon 712 processor diya gaya hai, jo ki Snapdragon 710 chipset ka successor hai aur haal hi mein launch kiya gaya hai. Iss processor ke saath aapko Adreno 616 GPU is phone mein milta hai. Phone mein 3070mAh ki battery di gayi hai jo ki 18W ki fast charging ko support karti hai. Charging ke liye iss phone mein USB type-c port diya gaya hai. Mi 9 SE ko 2 storage variants mein launch kiya gaya hai. Ismein aapko 6GB RAM ke saath 64GB internal storage aur 6GB RAM ke saath 128GB internal storage ka option milta hai.

Mi 9 SE mein triple rear camera set up diya gaya hai. Primary camera iss phone mein 48MP (f/1.75 aperture) ka diya gaya hai jo Sony IMX586 sensor ke saath aata hai. Saath hi ismein aapko LED Flash bhi milta hai. Secondary camera 8MP(f/2.4 aperture) ka tele photo lens ke saath aur third camera 13MP (f/2.4 aperture) ka ultra wide angle lens ke saath diya gaya hai.  Iske alawa front facing camera 20MP (f/2.0 aperture) ka milta hai.

Yeh phone dual sim support ke saath aata hai, jo ki dual 4G VOLTE ko bhi support karta hai. Mi 9 SE mein in-display finger print scanner ka option bhi diya gaya hai. Yeh phone MIUI 10 based Android 9.0 (Pie) ke saath aata hai. Phone mein connectivity ke liye dual band Wi-Fi 802.11, bluetooth 5, GPS, GLONASS, NFC, ka support bhi milta hai. Phone ko 3 different colours mein launch kiya gaya hai jahan aapko ismein Dark Grey, Violet aur Blue colours ka option milega.

 

Chinese market mein yeh phone sale ke liye 1st March se available hoga. Iss phone ke 6GB/64GB variant ki price CNY 1,999 (Rs 21,150 Approx) rakhi gayi hai. Iss phone ka other variant 6GB/128GB aapko CNY 2,299 (Rs 24,330 Approx) mein milega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: