Xiaomi Mi 9 ke Leaked Images Ke Saath Saamne Aaye Phone Ke Key Specs

Xiaomi ke Mi phones mein aapko competitive price par powerful specs milte hain. Haal hi mein Redmi aur Mi ko independent brands announce karne ke baad, jahaan ek taraf Redmi Note 7 Pro ki taiyaari hai, wahin Mi 9 ko lekar bhi rumors aur khabron ki kami nahin hai.

Mi 9 ki jo tasveer leak hui hai, usmein aap smartphone ke kayi features dekh sakte hain. Jaise ki waterdrop notch, triple rear cameras aur bezel-less design. Mi 9 mein 6.4 inch ki display expect ki jaa rahi hai aur maana jaa raha hai ki iska screen-to-body-ratio 90 percent se upar hi hoga.

Is smartphone mein bhi main rear camera 48 MP resolution ke saath hi aayega. Iske alawa rumors ke according secondary camera 18 MP aur third camera 8 MP ka hoga.

ALSO READ: Xiaomi ne India Mein Launch Kiye Mi TV 4X Pro 55 inch, Mi TV 4A Pro 43 inch Aur Mi Soundbar

Saath hi ye ek upcoming flagship smartphone hai aur expect kiya jaa raha hai ki baaki smartphone makers ke flagship smartphones ki tarah hi, Mi 9 mein bhi Octa Core Qualcomm Snapdragon 855 chipset ke saath aayega.

Iske alawa Xiaomi CEO Lei Jun ke confirm kar diya hai ki Mi 9 mein 24W fast charging support hoga. Iske alawa kuch aur rumors bhi is smartphone mein very fast charging support ki baat keh rahe hain aur lag raha hai ki aapko ismein Qualcomm Quick Charge 5 fast charging support milne wala hai.

In sab khabron ke alawa two model numbers saamne aaye hain – M1902F1T/A and MI1903F2A. Isse ye bhi pata chal raha hai Mi 9 ke saath iska ek aur version announce kiya jaa sakta hai.

Well, Mi 9 ke aane mein abhi kuch samay zaroor hai, lekin launch nazdeek aate aate, is smartphone ke kaafi leaks aane ki bhi ummid hai. Filhaal Xiaomi MWC 2019 mein 24th February ko ek event host kar rahi hai, jismein Mi Mix 3 ke 5G version la launch expected hai.

ALSO READ: MWC 2019 Mein February 24 Ko Apna Flagship Smartphone Launch Karega Xiaomi

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: