Xiaomi Mi 8 Lite (Youth Edition) Aur Mi 8 Pro (Pressure Sensitive In-Display Fingerprint Sensor Edition) China Mein Announce Huye

Xiaomi ne aaj China mein Mi 8 family ke other variants – Mi 8 Lite (Youth) aur Mi 8 Pro ko launch kiya hai. Ye event giant pandas ke liye famous city, Chengdu mein host kiya gaya hai.

Mi 8 Lite (Youth Edition)

Mi 8 Lite is family ka sabse thin smartphone hai, saath hi ismein aapko rear panel par based fingerprint sensor hi milega. Iske alawa is handset mein 6.26 inch ki full HD+ display, 19:9 aspect ratio ke saath moujood hogi. Power dene ke liye Mi 8 Lite mein,  Octa Core Qualcomm Snapdragon 660 chipset diya gaya hai, jiske four cores ki clock speed 1.8 GHz hai aur other four Kryo cores ki clock speed 2.2 GHz.

Mi 8 Lite mein aapko two storage options milne waale hain – 4GB RAM ke saath 64GB ROM aur 6GB RAM ke saath 128GB internal storage. Selfie lovers ke liye ismein front par 24 MP camera fit kiya gaya hai, jo AI beauty aur AI portrait mode ke saath milta hai. Saath hi ismein face unlock feature bhi hai aur company ke according, ye low-light mein bhi ye fast aur kaafi responsive hai.

Saath hi 12 + 5 MP resolutions ke saath rear panel par dual sensors moujood hain, jo aapko f/1.9 aperture, f/2.0 aperture ke saath milenge.

Android 8.1 Oreo OS aur MIUI custom UI ke saath aane waale is smartphone mein 3350mAh ki battery di gayi hai, jo Qualcomm Quick Charge 3.0 support ke saath aayegi. Iske alawa other features mein, 4G VoLTE, Wi-Fi 802.11 a/b/g/n/ac, Wi-Fi Direct, Bluetooth 5.0, GPS, USB Type-C port aur dual SIM connectivity shaamil hai.

Mi 8 Pro (pressure sensitive in-display fingerprint scanner)

Mi 8 Pro ki highlight ye hai ki ismein pressure sensitive in-display fingerprint scanner diya gaya hai, jo ki Mi 8 ke in-display fingerprint sensor se 20% fast response karta hai. Is smartphone ko Sunset Gold aur Black colors mein kharida jaa sakta hai aur ye glass back ke saath aayega. Saath hi ismein ek Transparent Titanium version bhi launch kiya gaya hai, jo Mi 8 Explorer Edition jaisa hi hai.

Mi 8 Pro mein 6.21 inch ki AMOLED display hai, jo full HD+ resolution aur 18.7:9 ratio ke saath aayegi.

Is dual SIM based smartphone mein 12+ 12 MP dual rear cameras hain, jo Sony IMX363 sensor, f/1.8 aperture, f/2.4 aperture, dual tone LED flash light, Sony IMX363 sensor aur 4K video recording jaise features ke saath aayenge.

Mi 8 Pro ke front par 20 MP ka selfie shooter moujood hai. Iske alawa is handset mein 3000mAh ki battery di gayi hai, jo aapko Qualcomm Quick Charge 4+ fast charging support ke milti hai.

Mi 8 Lite (Youth edition) pricing details:

  • 4GB+64GB – 1399 yuan (approx 15,000 INR).
  • 6GB+128GB – 1699 yuan (approx. 18,000 INR).
  • 6GB+128GB – 1999 yuan (approx. 21,000 INR).

Mi 8 Lite ko China mein 25th September se kharida jaa sakta hai.

Mi 8 Pro

  • 6GB RAM + 128GB ROM – 3199 yuan (approx. 34,000 INR).
  • 8GB + 128GB – 3599 yuan (approx. 38,000 INR).

Mi 8 Pro ki sale 21st September se China mein start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: