Xiaomi Redmi 6 Aur 6A, HD+ Displays, Android 8.1 Oreo Aur 3000mAh Battery Ke Saath Launch Huye

Jaisa ki kal company president dwara confirm kiya hi gaya tha, Xiaomi ne aaj China mein Redmi 6 series launch kar di hai. Is series mein two new smartphones ho saamne aaye hain, unke naam hain – Redmi 6 aur Redmi 6A. Ye dono hi smartphones budget segment mein attractive features ke saath launch kiye gaye hain.

Xiaomi ke Redmi 6 ko aap two storage versions mein kharid sakte hain jinmein 3GB RAM ke saath 32GB ROM wala variant CNY 799 (approx. 8,400 INR) mein launch kiya gaya hai aur doosra 4GB RAM ke saath 64GB storage variant ki kimat CNY 999 (lagbhag 10,500 INR) hai. Iske alawa Redmi 6A ko kewal 599 yuan (around 6,500 INR) ki kimat par launch kiya gaya hai.

Xiaomi Redmi 6 aur 6A dono mein hi 5.45-inch ki HD+ full view 2.5D curved glass display hai aur saath hi ye dono Android 8.1 Oreo OS ke saath MIUI 9 software par chalte hain. Redmi 6 aur 6A mein front camera 5 MP ka hai aur saath hi in smartphones ki battery capacity bhi 3000mAh ki hai. Ye dono hi dual SIM slot aur dedicated microSD card slot ke saath launch kiye gaye hain jo 128GB tak ka card support karta hai.

Iske alawa Redmi 6 mein power dene ke liye Octa Core MediaTek Helio P22 processor diya gaya hai jiski clock speed 2.0 GHz hai. Saath hi ismein IMG PowerVR GE8320 graphics processing unit bhi moujood hai. Is smartphone mein 12 + 5 MP ka dual rear camera setup, LED flash light aur f/2.0 aperture ke saath aayega. Ismein aapko rear panel par fingerprint scanner aur front camera ke saath face unlock feature bhi diya gaya hai.

Jabki, Redmi 6A mein 2.0 GHz ki clock speed ke saath quad core MediaTek Helio A22 chipset diya gaya hai. Ismein kewal ek hi 13 MP ka rear camera diya gaya hai jo LED flash light ke saath aayega. Iske alawa ismein aapko fingerprint scanner ya face unlock nahin diya gaya hai, to yahaan aapko pattern lock se hi kaam chalana padega.

Xiaomi Redmi 6 aur 6A Grey, Blue, Rose Gold aur Gold colors mein China mein 15th of June se available honge. Halaanki inke India launch ko lekar abhi koi news nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: