Xiaomi Mi Band 3, Mi Air Purifier, Mi Luggage, Mi TV 4 Series Aur Mi Home Security Camera Launch Huye: Specs, Price And Avilability Details Check Karein

Realme ke two smartphones ke alawa, aaj India mein Xiaomi ne bhi apne 5 products announce kiye hain. Mi Band 3, Mi Luggage, Mi TV 4 series, Mi Home Security Camera aur Mi Air Purifier 2S ko aaj ek launch event mein introduce kiya gaya. Aaiye aapko thoda detail mein in products ki jaankaari dete hain.

Mi Band 3

Mi Band 3 aap mein se kayi log tabhi guess kar chuke the, jab in 5 products ko guess karne ka contest saamne aaya tha. Well, Mi Band 3 ko India mein kewal 1,999 INR ki kimat par launch kiya gaya hai. Ismein 0.78 inch ki OLED display hai aur ye water resistant hai.

Apne smartphone se Mi Band 3 connect karne par aap ismein WhatsApp, FaceBook aur SMS apps ke notifications ya messages check kar sakte hain. Weather information bhi aapko is par mil jayegi. Xiaomi ke according, Mi Band 3 mein enhanced tracking system hai, jo aapke running, swimming, walking ya phir aur bhi other activities ki real time information deta hai.

Mi Band 3 28th September se Amazon aur Mi.com par available hoga.

Mi Luggage

Xiaomi ka ye product 2 sizes mein launch kiya gaya hai jismein 20 inches aur 24 inches ke Mi Luggage bags shaamil hai. Mi Luggage ki kimat 2,999 INR aur 4,299 INR hai. Ye Mi Luggage bags Bayer Makrolon polycarbonate se bane hain aur scratch resistant hain. In bags mein jo wheels lage hain, wo 360 degree rotation mein move kar sakte hain aur inmein behtar security ke liye TSA approved locking system hai.

Mi Luggage travel bags ke 20 inches model ko aap Red, Blue aur Grey colors mein purchase kar sakte hain, jabki 24 inch model kewal Blue aur Grey colors mein hi available hai. Inki sale 10th October se start hogi.

Mi Home Security camera

Aapke ghar ki behtar security ke liye bhi Xiaomi ne Home Security camera launch kiya hai, jiska price 2,699 INR hai. Ye camera 360 degree viewing angles aur full HD video recording jaise features ke saath available hoga. Saath hi agar aapke ghar mein light nahin hai, to ye infrared night vision technology ke saath low light mein bhi video record kar sakta hai.

Mi Home Security camera mein Mi motion detection technology hai, jo kisi bhi tarah ke unwanted movements hone par aapko alert kata hai. Ye dual motors ke saath manufacture kiya gaya hai, jiske zariye ye up, down, left aur right easily move kar sakta hai.

Ise bhi aap 10th October se Amazon aur Mi.com par kharid sakte hain.

Mi Air Purifier 2S

Mi Air Purifier 2S ka price 8,999 INR hai. Is Air Purifier mein OLED digital display hai jo aapko temperature aur humidity levels jaisi cheezein show karti hai. Mi Home App se ise connect karne par aap ghar ki aur bahaar ki air quality, humidity check kar sakte hain aur fan ko bhi adjust kar sakte hain.

Is smart Air Purifier mein aapko Alexa aur Google voice assistant support bhi milta hai, ise aap apni voice se bhi control kar sakte hain. Ismein triple layer filters hain jo harmful bacteria aur micron sized particles ko remove karte hain.

Mi Air Purifier 2S ko 28th September se Flipkart, Amazon, Mi.com aur Mi Home Stores se kharida jaa sakta hai.

Mi TV 4 Pro, Mi TV 4C Pro aur Mi TV 4A Pro

Xiaomi ne aaj three televisions, Mi TV 4 series ke under launch kiye hain. Ye sabhi PatchWall TV experience ke saath aayenge. Inke saath Bluetooth Mi Remote aayega. Sabhi Mi TV televisions mein PatchWall UI hai jo Jio Cinema, Eros, Alt Balaji, HotStar, Sony Liv, Voot, VIU aur bhi kayi content partners ke saath aayega.

Mi TV 4C Pro mein 32 inch ki HD LED display hai, Mi TV 4A Pro mein 49 inch ki full HD display aur Mi TV 4 Pro mein 55 inch ki 4K display hai.

Mi TV 4C Pro ka price 14,999 INR, 4A Pro ka cost 29,999 INR aur Mi TV 4 Pro, 49,999 INR mein available hain. 10th October se aap inhein Amazon aur Mi.com se purchase kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: