Xiaomi Ki UPI Based Mi Pay Mobile Payment App India Mein Launch Huyi

Smartphones aur other electronic devices mein expand karne ke baad, Xiaomi ab Google Pay, Paytm, Amazon Pay jaisi digital payment apps ko takkar dene ki koshish kar raha hai. Iske liye company ne apni UPI based payment app Mi Pay ko India mein announce kar diya hai.

MIUI 10 Global Beta users ke liye Mi Pay app, last month se available hai. Wahin sabhi MIUI users ke liye ye app is month ke end tak Mi App store par available hogi.

Mi Pay mobile payment solution app use karne mein ek basic aur easy app hai, jise messages, contacts aur phone permissions ki zaroorat hoti hi hai. Company ke according, is payment system ko MIUI ke saath deeply integrate karne ki koshish jaari hai, taaki users ko sirf payment karne ke liye alag se app kholne ki zaroorat nahin ho.

Xiaomi India ke Chief Operating Officer, Murlikrishnanka kehna hai ki Mi Pay ko smartphone mein moujood messages, contacts, camera aur scanner apps se connect kiya jayega. Iske baad users messages, camera aur contacts app ko use karte huye directly wahin se payments option mein jaa sakte hain.

Iske alawa Mi ki is payment app ke dwara aap DTH, electricity, mobile phone aur water bills bhi bhar sakte hain. Mi Pay India mein 120 se jyada billers ko support karta hai aur saath hi is app ke through Mi.com se aap shopping bhi kar sakte hain.

Security ki baat karte huye Murlikrishnan ne bataaya ki is app ko National Payments Corporation of India (NPCI) ke through approval bhi mil chuka hai. Saath hi cyber security organization Lucideus ne bhi Mi Pay app ko approve kar diya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: