Xiaomi Ki Nayi Play Series Ka First Smartphone, 24th December Ko Hoga Launch

Xiaomi ne bhi aaj finally announce kar diya hai ki wo apni nayi smartphone Play series ki shuruaat karne jaa rahi hai. Company ke according, is series ka first smartphone December 24 ko launch kiya jayega. Halaanki company ne is smartphone ke naam ki announcement nahin ki hai.

Lekin is series ka naam Play hai, jisse rumors ye uth rahe hain ki is series ke handsets, gaming focused ho sakte hain. Saath hi is handset mein 48 MP ka rear camera hone ki baat bhi saamne aa rahi hai. Darasal, isi month ke starting mein company ke President Lin Bin ne Weibo par ek smartphone teaser share kiya tha, jisemein likha tha 48 MP camera aur usi se Play series ko jod kar dekha jaa raha hai.

Halaanki company President ne ye bhi share kiya tha ki is smartphone ko January 2019 mein launch kiya jayega, lekin is series ka first smartphone December 24 ko announce hoga. Is baat se dekhein to ye dono handsets alag alag ho sakte hain.

Iske alawa Xiaomi Play smartphone series ko lekar jo rumors aa rahe hain, unke according ye Play series POCO F1 ka Chinese version bhi ho sakta hai. Well, ye to sabhi rumors hain, hum expect kar rahe hain ki launch se pehle Xiaomi Play series ko lekar kuch aur relevant news bhi saamne aayengi, jinhein hum aapse zaroor share karenge.

Well, Xiaomi ki is nayi series ko lekar aapka kya kehna hai, comment section mein humein zaroor bataaiye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: