Xiaomi Ke Upcoming Flagship Smartphone Mi Mix 3 Ka Price Aur Specifications Leak Huye

Last year launch huye Mi Mix 2 ka successor log kaafi pehle se hi expect kar rahe hain, jiske jawaab mein company ne is saal March mein Mi Mix 2s launch kiya. Jabki expected Mi Mix 3 ke launch hone ka wait abhi bhi jaari hai. Lekin aaj is smartphone ko galati se online list kar diya gaya, jiske baad iske kaayi features saamne aaye hain. Aaiye jaante hain ki kaisa hoga Mi Mix 3.

Mi Mix 3 next month yaani ki September mein launch hone ki ummid hai. Saath hi kuch hi samay pehle leak hui is smartphone ki tasveeron se ye bhi expect kiya jaa raha hai ki ye pop-up front camera ke saath aayega.

Iske alawa aaj jo leaks saamne aaye hain, unke according Mi Mix 3 ko 3,899 yuan ke price par launch kiya jayega yaani ki takreeban 39,000 INR, halaanki ye March mein aaye Mi Mix 2s ke price se thoda jyada hai.

Iske alawa Oppo ke Find X aur Vivo ke NEX ke baad ye third phone hoga jo elevated front camera ke saath launch kiya jayega. Lekin Xiaomi ke affordable price aur powerful features ke combination ko dekhte huye, ye in dono smartphones ke comparison mein cheaper hoga.

Saath hi ye bhi pata chala hai ki Xiaomi ka ye upcoming flagship smartphone Snapdragon 845 chipset ke saath aayega. Iske saath hi Mi Mix 3 mein bhi koi notch nahin hai aur yahaan bhi aapko Oppo Find X aur Vivo NEX jaisi complete full view display, maximum screen to body ratio ke saath hi milegi.

Saath hi ismein in-display fingerprint scanner, 20 MP selfie camera aur Qi wireless charging support jaise features bhi included honge. In features se ye saaf zaahir hai ki Xiaomi is baar kaafi high-end features ke saath ek powerful phone, competitive price mein launch karne jaa raha hai.

Iske alawa, haal hi mein aayi ek report ke according Xiaomi home country mein September 15 ko ek event host karne jaa raha hai aur usi mein Mi Mix 3 ko showcase kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: