Xiaomi ke Taraf Se Aayi Ek Aur Good News, Gaming Smartphone Black Shark Jaldi Hi India Mein Bhi Hoga Launch

China based company Black Shark jo Xiaomi ke saath milkar gaming smartphones launch karti hai, ab India mein bhi apna manufacturing plant setup kar rahi hai. Black Shark ka India headquarter Bengaluru mein hoga aur yahaan par is division ko Black Shark global ke Vice President David Li head karenge.

Saath hi India mein is gaming company ko, OnePlus ke former communications head Chirag Narendra bhi join karenge, jo ki is company ke brand building ke liye responsible honge aur Indian Marketing head inki designation hogi.

Black Shark ke first India device ke launch ko company announce kar chuki hai, lekin koi specific date nahin bataayi gayi hai. Company ke according, iski date abhi kuch hi dinon mein announce kar di jayegi. Lekin jo bhi phone aayega, wo Black Shark 2 hoga ya last year October mein announce hua Black Shark Helo ye abhi nahin kahaa jaa sakta.

Is smartphone ki gaming performance aur device ki build quality ke baare mein to hum jaante hi hain. Kaafi benchmarking sites par bhi is handset ko top karte dekha gaya hai. BlackShark ka first phone 2017 mein Snapdragon 845 chipset, 6 inch full HD+ display, 8GB RAM aur 128GB storage ke saath announce kiya tha. Iske baad October mein Black Shark Helo aaya.

In smartphones ko heavy games ke dauraan heating issue se bachaane ke liye liquid cooling technology ke saath launch kiya gaya tha aur market mein inhein achha response bhi mila.

Filhaal company Blackshark 2 handset par kaam kar rahi hai, rumors bhi aa rahe hain, lekin iski launch date ke baare mein abhi khulaasa nahin hua hai. Is smartphone ko Snapdragon 855 chipset aur 8GB RAM ke saath launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: