Xiaomi Ke Phone Mein Dekhne Ko Mil Sakta Hai Samsung 64MP Sensor, Jaldi Hi Shuru Hoga Mass Production

Last month Samsung ne 64MP ISOCELL Bright GW1 chispet ko introduce kiya tha. Yeh chipset dual conversion gain technology ke saath aata hai. Introduce karne ke baad expect kiya jaa raha tha ki company iss chispet ko sabse pehle apne Note Series smartphone mein use kar sakti hai, lekin haal hi mein saamne aayi rumors mein bataya jaa raha hai ki iss chipset ko Xiaomi ke ek mysterious smartphone mein dekha jaayega.

Iske aalwa Weibo tipster Ice Universe ke through kiye gaye post se yeh baat bhi pata chali hai ki Samsung 64MP sensor ko, Xiaomi Redmi ki device ke alawa Samsung A-series ke aane wale smartphone mein bhi use kar sakta hai. Haalanki wah phone kaun sa hoga, iski koi jaankari nahi di gayi hai.

 

Iss se pehle yeh rumors bhi humein dekhne ko mili thi ki company Samsung Galaxy A70 smartphone ko 64MP sensor ke saath launch kar sakti hai, lekin iss phone mein humein 32MP sensor dekhne ko mila hai.

 

64MP sensor ki help se aap 480 frames per second ki speed full HD recording kar sakte hain. Iske saath hi yeh sensor Samsung ke 0.8µm line up mein sabse highest resolution provide karne wala sensor hai. Iss sensor mein real time HDR diya gaya hai jiski capability 100dB hai. Pixel merging Tetracell technology aur remosaic algorithm ki help se aap low light mein 16MP aur bright light mein 64MP ki image ko capture kar sakte hain. Iss sensor ka mass production next month se shuru hone wala hai, jis se expect kiya jaa sakta hai ki iss sensor se less smartphone humein iss saal ke aakhir tak dekhne ko mil jaaye.

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: