Xiaomi Ke Mi CC9 Box Ki Images Leak; Key Specs Aur Selfie Samples Bhi Saamne Aaye

Xiaomi ki upcoming series Mi CC9 ki leaks kaafi saamne aa rahe hain. Leaks ki maanein to company iss series ko Meitu team ke saath collaboration mein launch kar rahi hai, jiski kuch leak images bhi humein dekhne ko mili hain. Haal hi mein iss phone ke box ki leak images saamne aayi hain. Leak images mein iss box ki front aur back side dikhai de rahi hai. Is box ki image aap upar dekh sakte hain.

Mi CC9 series ke iss box ko kaafi colorful design kiya gaya hai, jahaan company ne bhi ise kaafi cool aur chic bataya hai. Maana jaa raha hai ki ye selfie centric series hogi, jise company young generation ke liye launch kar rahi hai. White color ke box par front side mein multi colors se CC aur back side mein kuch specs ko mention kiya gaya hai. Haalanki back side par mention kiye gaye specs clearly visible nahi ho rahe hain. Iske alawa Mi CC9 phone se click ki gayi kuch pictures bhi saamne aayi hain, jinhe aap upar dekh sakte hain. Bataya jaa raha hai ki yeh sabhi selfie images hain.

Mi CC9 Rumored Specs

Company ne halaanki abhi kuch reveal nahin kiya hai, lekin iske rumored specs lagbhag sabhi saamne aa chuke hain. Mi CC9 mein 6.39 inch ki AMOLED display, 48MP ka primary rear camera, 16 MP secondary rear camera aur 12 MP ka third rear camera expect kiya jaa raha hai. Wahin 32MP ka front facing camera ho sakta hai.

Iske alawa Mi CC9 mein 6GB / 8GB RAM options ke saath 128GB / 256GB storage options ho sakte hain. Rumors ke according, is handset mein 4000mAh ki battery, Android 9.0 Pie Os ke saath MIUI 10 diya jayega. Chipset yahaan par wahi hoga, jo Redmi K20 mein hai, yaani ki Snapdragon 730.

Mi CC9e Rumored Specs

Mi CC9e mein 5.97 inch ki full HD+ AMOLED display ho sakti hai aur ismein Snapdragon 710 expect kiya jaa raha hai. Ismein aapko 6GB / 8GB RAM options ke saath 64GB / 128GB internal memory options mil sakte hain. Ismein bhi triple rear cameras hi honge, lekin yahaan 48 MP, 8 MP aur 5 MP ke sensors hain. Jabki battery yahaan 3500mAh ki hogi.

. Iss phone ko China mein 2nd July ko launch kiya jaayega. Launch ke baad humein iss phone ki final specs aur price pata chal sakegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: