Xiaomi Ke Inn Phones Ko Nahi Milegi MIUI 11 Update, Jaaniye Kaun Kaun Se Hain Phones Hain Is List Mein Shaamil

Affordable aur quality phones banane wali Chinese companykewal India mein hi nahin, globally bhi khud ko tezi se expand kar rahi hai. Aaj hi India mein company ne apna Redmi Note 6 Pro bhi announce kiya hai, jo ki latest software update MIUI 10 ke saath aaya hai. Itna hi nahin, ye company apne 4 se 5 saal puraane smartphones ko bhi ab tak MIUI update deti aayi hai.

Lekin aaj software update ko lekar company ne ek khaas announcement ki hai. Xiaomi apne jyadatar phones ko latest update time to time provide karta raha hai. Lekin aaj hui announcement ke according, Xiaomi ne kuch phones ki list jaari ki hai, jinhein upcoming software MIUI 11 ka update, nahin mil sakega. Ye announcement, MIUI China Forum par ek post ke dwara ki gayi hai. Iss list mein unn phones ke naam bhi add hain jo 2016 mein launch kiye gaye the. Well, kya aapka phone bhi is list mein shaamil hai ?

Aaiye dekhte hain!

MIUI 11 ki update jin smartphones ko nahin milegi, unke naam hum neeche mention kar rahe hain:

  • Xiaomi Redmi Note 3
  • Xiaomi Mi 5
  • Xiaomi Mi 4
  • Xiaomi 4C
  • Xiaomi Mi 4S

Yeh sabhi phones wo hain, jinhe aane wali MIUI ki update nahi diya jaayega. Inn phones mein Xiaomi Mi 5 aur Redmi Note 3 ko next update MIUI 10.2 ki di jaaegi wahi Xiaomi Mi 4, Xiaomi Mi 4C aur Xiaomi Mi 4s ko next update MIUI 10.1 ki stable ROM update milegi, jise milne ki ummid January tak ki jaa rahi hai.

Agar inn phones ki last update ki baat ki jaaye to Redmi Note 3 aur Xiaomi Mi 5 ko last update MIUI China Beta 8.11.22 ki di gayi thi wahi Xiaomi Mi 4, Xiaomi Mi 4C, aur Xiaomi Mi 4S ko last update MIUI  China Beta 8.9.14 ki mili thi.

Aane wale samay mein Xiaomi apne latest phones ko jaldi hi MIUI 11 ki update provide karne wala hai. Aur next update kis kis phones ko milegi wah hum aapko aane wale samay mein batate rahenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: