Xiaomi Ke Foldable Phone Ki Ek Aur Teaser Video Saamne Aayi, Second Quarter Mein Nayi Innovations Ke Saath Hoga Launch

Last month Samsung aur Huawei ne apne foldable phones ko launch kiya tha. Issi ke saath Xiaomi ke foldable phone ki video bhi saamne aayi thi. Uss video ke liye company ke CEO ne bataya tha ki wah sirf ek prototype hai. Aaj Xiaomi ke foldable phone ki ek aur teaser video saamne aayi hai. Iss teaser video mein bhi yeh phone double side fold ke saath dekha jaa raha hai. Iss teaser video ko aap neeche dekh sakte hain.

Teaser video mein yeh clearly dekha jaa sakta hai ki phone ko pehle tablet ke form mein aur fir fold karne ke baad use smartphone ki tarah use kiya gaya hai. Kuch samay pehle hi yeh leaks saamne aayi thi ki company apne foldable phone ko baaki companies ke compare mein kam price tag ke saath launch kar sakti hai jahaan iski price lagbhag $999 rakhi jaa sakti hai.

 

Iske alawa iss phone ke baare mein abhi tak kaafi rumors saamne aa chuki hain jismein bataya gaya hai ki yeh phone Qualcomm ke latest chipset Snapdragon 855 ke saath launch kiya jaa sakta hai. Iske alawa last leak video aur latest teaser video mein yeh dekha jaa sakta hai ki yeh phone gesture control feature par kaam kar raha hai jo ki kisi bhi foldable phone ke liye ek jaruri feature hai. Badi screen ke phone ko ek haath se operate karna easy nahi hota hai. Iss gesture control feature ko dekhte huye expect kiya jaa raha hai ki iss phone mein MIUI 10 based Android 9 Pie mil sakta hai.

Dikhai de rahe 10 Seconds ke iss video mein notice karne wali baat yeh hai ki phone ke front panel par kahin bhi front facing camera dikhai nahi de raha hai. Sources ke according iss phone ki display ko Visionox ne develop kiya hai. Agar aapko nahi pata hai to hum aapko bata dein ki Visionox China based company hai jo OLED development ke liye kaam karti hai. Teaser video mein dikhai de rahe phone mein kaafi kam bezels dikhai de rahi hain. Expect kiya jaa raha hai ki Xiaomi apne iss foldable phone ko 2019 ke second quarter mein launch kar sakti hai. Well, agar company ise $999 ki price ke saath launch karti hai to yeh phone mein market mein available baaki foldable phone ko ek achhi takkar de sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: