Xiaomi ke First Foldable Smartphone Ka Video Leak Hua

Samsung ke foldable phone ko lekar to hum sabhi charcha kar chuke hain, lekin ab baari Xiaomi ki hai. Aaj pehli baar Xiaomi ke foldable smartphone ki charcha hui hai. Aaj Xiaomi ke foldable smartphone se related ek video leak hua hai jo @evleaks ke through saamne aaya hai.

Xiaomi ka ye upcoming smartphone dono sides se fold kiya jaa sakta hai aur unfold karne par ye ek tablet mein transform hota nazar aa raha hai. Well, is video mein aap is foldable smartphone ki amazing full view display dekh sakte hain aur agar ye leak sahi hoti hai, to Xiaomi ka ye phone world ka first smartphone hoga, jise dono sides se fold kiya jaa sakta hai.

Leakster Evan Blass ne bhi Twitter par likha hai, ki iski authenticity ke baare mein filhaal nahin kaha jaa sakta, lekin ye device Xiaomi ka hi hai.

Achhi khabar ye bhi hai, ki 10th January ko hone waale Redmi event mein, is foldable smartphone ko tease bhi kiya jaa sakta hai, halaanki iske official launch ke baare mein abhi company shayad kuch naa kahe.

Well, expect ye kiya jaa raha hai ki jaise Xiaomi ne Snapdragon 845 chipset ke saath aane wala cheapest phone launch kiya, waise hi company ise bhi best price par launch kar sake.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: