Xiaomi Ke Dual Side foldable Smartphone Ka Official Video, MWC 2019 Mein First Appearance Expected

Aisi khabar pehli ek baar saamne aayi thi ki Xiaomi ek foldable smartphone par kaam kar raha hai. Lekin aaj company ne khud hi confirm kar diya ki waakyi mein aisa hai bhi. Darasal, Xiaomi ne ek video teaser share kiya hai, jismein company ka foldable smartphone poori tarah se nazar aa raha hai.

Saath hi Xiaomi ka ye foldable phone world ka first smartphone hoga, jo dono taraf se fold kiya jaata hai, yaani ki dual side foldable technology ke saath aata hai. Company ke is official video mein aap ye phone dekh sakte hain, jo ki neeche di gayi hai.

Xiaomi ke President, Lin Bin ne bataaya ki kuch technical issues se company ko guzarna pada, jinmein inflexible folding screen technology, four wheel drive folding shaft technology aur MIUI ko foldable screen ke according is dual side foldable smartphone mein dena. In sab issues ko resolve karne ke baad is nayi technology ke saath ye smartphone develop kiya gaya.

Is video mein aap slim bezels ke saath ek badi display dekh sakte hain, jismein Mi ka logo bhi nazar aaya hai. Iske baad phone ko rotate karke dono taraf se fold kiya gaya hai, jismein baad ye ek compact smartphone mein convert ho jaata hai. Well, ab iske alawa abhi koi feature saamne nahin aya hai.

Ab Xiaomi ke is phone mein aapko tablet aur ek smartphone ka achha combination milne wala hai. Maana jaa raha hai ki MWC 2019 ke dauraan company is smartphone ko ‘Mi Explorer Programme’ mein dikha sakti hai. Halaanki iske launch mein abhi kuch waqt lag sakta hai.

Lekin humein ab iske leaks ka intezaar zaroor rahega, kya aapko bhi rahega?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: