Xiaomi Ka POCOPHONE F1 High-End Specs Ke Saath, India Mein Bhi Hoga Launch

Ye to hum sabhi jaante hain ki Xiaomi pichle kaafi samay se ek new smartphone series POCOPHONE ko launch karne ki taiyaari mein hai. Yahaan tak ki POCOPHONE ka first smartphone F1, NCC aur FCC certification bhi le chuka hai aur zaahir hai ki iska launch bhi jaldi hi hoga.

POCOPHONE ko lekar nayi khabar ye hai ki China ke alawa ye smartphone India aur other countries mein bhi launch kiya jayega. Ye ek premium smartphone hoga jise lekar launch date ke baare mein koi information nahin hai, lekin iske specs ko lekar kaafi rumors aur reports saamne aa chuke hain.

POCOPHONE F1 mein 5.99-inch ki full HD+ display hogi jo LCD panel ke saath aayegi. Ye smartphone notch design ke saath aa sakta hai jismein Qualcomm ka flagship chipset Snapdragon 845 hoga. Expect kiya jaa raha hai ki ismein 6GB ki RAM aur 64GB / 128GB ki internal storage options honge.

POCOPHONE F1 bhi Android 8.1 Oreo ke saath aayega jismein MIUI 10 custom UI hogi. Iske alawa ismein bhi dual rear cameras expected hain, lekin unki details abhi tak nahin mili hai. Saath hi ye dual SIM aur dual 4G VoLTE support ke saath aayega. Ismein fingerprint sensor hoga ya nahin, ya fir in-display fingerprint scanner aayega, iske baare mein bhi abhi koi clue nahin hai.

Xiaomi POCOPHONE F1 ki pricing details ko leakr bhi market mein rumors hain. Iske 6GB RAM aur 64GB internal storage ke saath aane waale version ka price 420 Euros ho sakta hai (approx. 33,500 INR). Iske alawa iske 6GB RAM ke saath 128GB ROM variant ki kimat 460 Euros kea aaas-paas hogi yaani ki lagbhag 37,000 INR. Halaanki Xiaomi ke phones jis price range mein aate hain, unke according ye thoda jyada hai, lekin phir bhi Snapdragon 845 chipset aur 6GB RAM ke saath phir bhi ye price baaki smartphones ke prices se kam hi hai.

Ummid hai ki POCOPHONE F1 ko ab jaldi hi TENAA certification par bhi dekha jayega, jahaan se iske baare mein aur jaankaari milne ki ummid hai.

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: