Xiaomi Ka Poco F1 Bana India Ka No.1 Smartphone, OnePlus 6 Ko Bhi Kiya Peeche

Xiaomi India mein apne best budget aur best hardware phones ke liye famous hai. India mein most selling phones ka khitaab bhi Xiaomi ke naam hi hai. Issi top category ko maintain kiye huye Xiaomi ne One Plus 6 ko bhi peeche kar diya hai. One Plus 6 ko beat karne wala phone Xiaomi ka Poco F1 bana hai. One Plus 6 aur Poco F1 mein aapko lagbhag same hardware dekhne ko milte hain. Lekin price category mein Poco F1 One Plus 6 ko beat karta hai. Jis se yeh smartphone user ki first choice ban chuka hai.

Iss baat ka khulasha Xiaomi India ke Managing Director Manu Kunar Jain ne kiya hai. Unhone tweet ke jariye OnePlus ki tag line ‘Never Settle’ ko oppose karte huye likha hai ki  ‘Now Its Settle’. Saath hi mention kiya hai ki Poco F1 ne 15K se upar ki category ke phone mein apne sabhi competitor ko beat kar diya hai. Iske alawa unhone tweet mein yeh bhi mention kiya hai ki IDC ki reports ki according Poco F1 market ka 22.4% share hold kiye huye hai wahin OnePlus ke hisse mein 17.9% market share aata hai. Yeh report Indian market ke liye hai. Inn reports ke saath hi Xiaomi ka Poco F1 India ka no. 1 smartphone ban gaya hai.

 

Dono phones ke basic hardware ka compare kiya jaaye to aapko Poco F1 aur OnePlus 6 dono hi phones mein Qualcomm Snapdragon 845 chipset milta hai. Poco F1 mein 6.18 inch ki FHD+ display milti hai wahin OnePlus 6 mein 6.28 inch ki optic AMOLED display di gayi. OnePlus 6 mein aapko dash charging ka option milta hai to wahin Poco F1 mein quick charge 3.0 ka support diya hai. Dono hi phones mein face unlock aur finger print scanner ka option diya gaya hai. OnePlus 6 ke 6GB/64GB variant ke liye aapko Rs 34,999 dene hote hain lekin agar aap Poco F1 ka 6GB/64GB  variant lete hain to aapko iss phone ke liye sirf Rs 19,999 dene honge.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: