Xiaomi Ka Mysterious Phone M1912G7BE/C Model Number Ke Saath 3C Certification Site Par Nazar Aaya, Naam Ho Sakta Hai Ye

Kuch hi samay pehle Xiaomi ne Mi Note 10 ko announce kiya hai aur lagta hai ki company ab apne next phone ki taiyaari bhi shuru kar chuki hai. Haal hi mein company ka ek naya phone M1912G7BE/C model number ke saath China ki certification site 3C par spot kiya gaya. Is listing se jyada specs saamne nahin aaye hain, lekin thodi details hamaare saamne hain.

3C certification ke according, M1912G7BE/C model number ke saath nazar aaya phone 27W fast charging support ke saath aayega. Iske alawa kuch din pehle company ka ek aur smartphone isi site par 5G support ke saath nazar aaya tha, jo ki Redmi K30 ho sakta hai, jise company next year launch karne waali hai.

Well, certification site par bhale hi specs nahin hai, lekin rumors ke according M1912G7BE/C model number waala phone Poco F2 ho sakta hai. Ye hum aise hi nahin keh rahe hain, darasal kaafi rumors ke according, company Poco F2 ko Redmi K20 Pro ke kuch similar specs ke saath launch kar sakti hai. Iske alawa phone case manufacturer Spigen ne bhi POCOPHONE F2 ke liye design kiye gaye case ki kuch pictures share ki hain, jinmein se ek aap upar dekh sakte hain. Saath hi ek andaaza bhi mil paayega aapko ki aakhir Poco F2 ka design kaisa ho sakta hai.

Leaked image ke according Poco F2 mein full view display hogi, pop-up selfie camera hoga aur center mein triple rear camera setup aapko mil sakta hai. Ye handset bhi apne predecessor ki tarah affordable flagship ho sakta hai, jiski kimat 28K-30K ke beech ho sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: