Xiaomi Jaldi Hi Launch Kar Sakta Hai Pop-up Selfie Camera Wala Smartphone, Video Mein Dekhen Phone Ka Look

Xiaomi ne haal hi mein apne Weibo account par ek teaser video ko post kiya hai. Video ko dekhte huye aapko aisa feel hoga ki yeh Marvel studios ki haal hi mein release huyi movie Avengers : endgame ka trailer hai lekin saath hi aapko Redmi ki branding bhi dikhai deti hai. Video ke beech mein movie ke scene dikhai dete hain jinmein alag alag super heroes hain. Last mein Xiaomi ke kuch multiple smartphone Redmi Note 7, Note 7 Pro ek saath combine hote hain aur ek different phone aapke saamne aata hai.

 

 

Yeh phone pop-up selfie camera ke saath dikhai deta hai, jis se expect kiya jaa raha hai ki company ka next smartphone pop up selfie camera ke saath aane wala hai. Video ke end mein aapko Redmi Flagship likha hua dikhai deta hai. Expect kiya jaa raha hai ki Xiaomi ke jis flagship phone ke baare mein abhi  tak humein rumors sun ne ko mil rahi thi yeh wahi Redmi Flagship smartphone ho sakta hai. Haalanki company ne abhi iska poora naam disclose nahi kiya hai.

 

Rumors ki according Xiaomi ka aane wala flagship phone Snapdragon 855 chipset ke saath launch kiya jaa sakta hai. Saath hi ho sakta hai ki phone mein kisi bhi tarah ki notch aapko dekhne ko na mile. Iske alawa upar dikhai de rahi image mein yeh bhi dekh sakte hain ki phone mein pop up selfie camera ke liye cut out dikhai de raha hai saath hi 3.5mm headphone jack bhi dekha jaa sakta hai. Expect kiya jaa raha hai ki phone mein notch-less aur bezel-less display dekhne ko bhi mil sakti hai. Iss se pehle saamne aayi rumors mein bataya gaya tha ki Xiaomi ke upcoming phone mein 8GB RAM, 128GB internal storage, 48MP ka rear primary camera, 8MP ka telephoto lens aur 13MP ka ultra wide angle lens camera mil sakta hai. Saath hi same phone mein 32MP ka front facing camera bhi diya jaa sakta hai. Iske alawa yeh phone 6.39 inch ki full HD+ screen ke saath aa sakta hai.

Last week hi Xiaomi India ke Vice President ne tweet ke jariye bataya hai ki company Qualcomm ke dwara launch kiye gaye latest chipset Snapdragon 730 ke saath ek smartphone ko jaldi hi India mein launch karegi. Iss news se confirm hota hai ki company 2 alag alag chipset ke saath smartphones ko launch karne wali hai.  Well, abhi kisi bhi phone ki official launch date company ne announce nahi ki hai lekin expect kiya jaa raha hai ki Redmi Flagship ko company May month ke mid tak China mein launch kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: