Xiaomi Jaldi Hi Launch Kar Sakta Hai Mi Band 4, Saamne Aayi Leaks Images

Xiaomi jaldi hi apni nayi wearable device ko launch kar sakta hai. Iss list mein add hone wala naam Mi Band 4 ka hai. Last week se iss fitness band ki kuch leaks aana shura ho gayi hain. Abhi tak company dwara launch kiye gaye sabhi fitness band affordable price mein announce kiye gaye hain. Lekin inn sabhi bands mein humein monochrome display dekhne ko mili hai. Iske opposite Mi Band 4 ke liye rumors hain ki company iss band mein color display de sakti hai.

Mi Band 4 ki leaks images ko aap upar dekh sakte hain. Yeh images micro-blogging Weibo ke through saamne aayi hain.  Rumors ki maane to company iss band ko do variants mein launch kar sakti hain, jiska andaaja saamne aaye model numbers se lagaya jaa raha hai. Dono model numbers XMSH08HM aur XMSH07HM  bataye jaa rahe hain.  XMSH08HM model number wali device NFC support ke saath dekhne ko mil sakti hai. Reports ki according Mi Band 4 mein Bluetooth 5.0 ki connectivity di jaa sakti hai, saath hi 135mAh ki battery bhi dekhne ko mil sakti hai.

 

Rumors ki according yeh band behtar heart rate monitor system ke saath aa sakta hai. Iske alawa ismein Xiaomi ka personal assistant Xiao AI bhi diya jaa sakta hai. Khaas baat yeh hai ki iss band ki keemat abhi tak launch kiye gaye sabhi band ke comparison mein jyada ho sakti hai. Sources ki maane to iss band ka NFC variant ¥499 (~Rs 5,000) ki keemat ke lagbhag aur non NFC variant ¥300 (~Rs 3,000) ki keemat ke lagbhag launch kiya jaa sakta hai. Haalnki abhi tak company ne iss band ke official launch ke baare mein koi jaankari nahi di hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: