Xiaomi Jaldi Hi Introduce Kar Sakta Hai 100W Super Fast Turbo Charging Technology, 17 Minutes Mein Hoga Phone Full Charge

Apne smartphone mein hum sabhi badi capacity ki battery use karna chahte hain jis se humara smartphone jyada time run kar sake. Agar baat karein kuch samay pehle ki to smartphones mein battery humein chahe jitni milti ho, lekin use charge hone mein 3-4 hours ka samay jarur lagta tha. Lekin aaj technology ke development ki wajah se hum half hours mein bhi apna smartphone full charge kar lete hain. Issi technology ki race mein Xiaomi yun to pehle se bana hua hai lekin iss bar Xiaomi ne announce kiya hai ki wah jaldi hi 100W super fast turbo charging technology ko introduce kane wala hai, jis par wah already kaam kar raha hai. Company ne iss technology ko dikhane ke liye ek video bhi release kiya hai, ise aap neeche dekh sakte hain.

 

 

Iss 100W super fast turbo charging technology ki baat karein to iss se aapka 4000mAh ka smartphone sirf 17 minutes mein full charge ho sakta hai. Haal hi mein company ke CEO Lin Bin ne bataya ki company iss technology ke maas production par already kaam kar rahi hai. Xiaomi ki yeh technology Oppo ki Super VOOC Charging technology ko sheedhe takkar de sakti hai.

 

Abhi tak saamne aayi news mein bataya gaya hai ki company latest Flagship smartphone par kaam kar rahi hai, jismein humein Qualcomm Snapdragon 855 chipset dekhne ko mil sakta hai. Same smartphone ke liye yeh bhi expect kiya jaa raha hai ki company iss phone mein 100W super fast turbo charging de sakti hain. Haalanki company ki taraf se abhi tak iski koi announcement nahi ki gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: