Xiaomi Jaldi Hi India Mein Launch Kar Sakta Mi Tv 4A 50 inch Model

Xiaomi jaldi hi India ke andar apne LED TV ki series ko expand kar sakta hai. Iss series mein company Mi TV 4A 5o Inch ko add kar sakti hai. Yeh khabar leakster Ishan Agrawal aur mysmartprice ke through saamne aayi hai jismein bataya gaya hai ki company iss 50 inch TV ko jaldi hi India mein launch karegi. Haalanki iski price ko le kar koi update saamne nahi aayi hai. Recently company ne apne ek TV model mein price cut ka announcement kiya tha jismein Mi TV 4A Pro 49 inch shamil tha. Price cut ke baad yeh TV ab India mein rs 29,999 mein available hai.

Baat karein Mi TV 4A 50 inch ki to yeh model last year China mein launch kiya jaa chuka hai jahaan iss TV ki launch price CNY 2,399 (Rs 24,900 approx.) rakhi gayi thi. Yeh TV 4K UHD display ke saath aata hai jiska refresh rate 60Hz hai. Saath hi yeh TV HDR10+ HLG ko bhi support karta hai. Mi TV 4A kaafi had tak bezel-less design mein aata hai jismien integrated 10 speakers, 2 wireless rear satellite speakers aur ek sub-woofer include hain.

Iss TV mein 64 bit L962 AMLOGIC quad-core processor ka use kiya gaya hai. Jiske saath 2GB RAM aur 8GB on-board storage milti hai. Connectivity ke liye iss TV mein dual band Wi-Fi, Bluetooth 4.2, Dolby, DTS Audio ka support milta hai. Expect kiya jaa raha hai ki company  Mi TV 4A  50 inch ke Indian model mein dedicated patchwall ke saath Android TV ka support bhi de sakti hai. Mi TV 4A 50 inch ke Chinese model mein 3 HDMI  port, 2 USB port, 1 AV port, 1 Ethernet port aur ek S/PDIF audio output milta hai. Finally launch ke baad hi yeh pata chal sakega ki yeh TV India mein same specs aur features ke saath aata hai ya nahi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: