Xiaomi, India Mein MediaTek Ke High-End Gaming Chipset Helio G90T ke Saath Launch Karega Next Smartphone

MediaTek ne aaj India mein apne naye chipsets announce kiye hain, jo ki specially gaming ke liye design kiye gaye hain. Ye naye chipsets mid-range smartphones mein dekhne ko milenge aur company ne inhein naam diye hain- Helio G90 aur G90T.

In dono naye chipsets mein MediaTek ki HyperEngine Game technology ka use kiya gaya hai. In chipsets mein ARM Cortex A76 aur Cortex A55 CPUs ke saath Mali 800 MHz G76 3EEMC4 GPU bhi moujood hoga, jisse aapko mobile par advanced gaming experience mil sake.

Company ke according, “CPU, GPU aur APU ka combination 1TMACs tak ka performance deliver karta hai.”Saath hi ye chipsets L3 cache, 2.05 GHz tak ke CPU aur 10GB tak ki LPDDR4x RAM support karte hain.

Iske alawa Helio G90 aur G90T chipset mein 64MP single camera, quad-pixel technology, AI face detection, aur AI camera application ko boost karne ka power aur support milta hai.

Isi ke saath MediaTek ke G90 aur G90T chipsets ke announcement ke mauke par Xiaomi India Head, Manu Kumar Jain bhi moujood the, jinhone announce kiya ki India mein jaldi hi Xiaomi ka naya smartphone aane waala hai, jismein aapko MediaTek ka naya gaming chipset Helio G90T dekhne ko milega. Halaanki unhone is smartphone ka naam reveal nahin kiya hai, lekin ye first smartphone hoga, jo is naye chipset ke saath announce hoga.

MediaTek ki jis nayi HyperEngine Game technology ki baat humne upar ki hai, usmein bhi aapko kayi naye features dekhne ko milenge, jinse gaming ki performance kaafi had tak improve ho payegi.

  • Ye nayi technology mein aapka phone ek hi samay par two Wi-Fi connections se connect ho sakega. Aise mein ek Wi-Fi connection mein koi bhi disturbance aane se aapka phone second Wi-Fi router ya network se connect hoga, jisse gaming ke dauraan aapko internet issues nahin aayenge.
  • Is nayi technology mein intelligent network predictions hain, jo aapke phone aur networks ke beech mein connection ko optimize karta hai. Aise mein Wi-Fi ka signal bigadne par, game ke dauraan aapka phone kuch hi seconds mein aapke cellular data par chalne lagega aur game ko rokna nahin padega.
  • 4G LTE data par gaming ke dauraan koi call aa jaye to network connection kat jaata hai, lekin is nayi technology mein aisa nahin hoga. Aap phone attend karenge, lekin internet connection aur game dono chalta rahega aur aap gaming ko enjoy karte huye, call attend kar payenge.
  • Ismein diya gaya Rapid Response Engine, display ke touch ka response improve karega, taaki gaming aur fast ho sake.
  • Aise hi kayi aur bhi features is nayi MediaTek ki HyperEngine Game technology mein moujood hain, jo overall gaming performance mein kaafi improvements lekar aate hain.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: